Matiu 9:13 - Sura Malelaha

¹³ BaraNa mai mokakio tauna au manoto babehianda. Kamaingku ide, mokakioNa tomadosa bona menosohe hangko i dosanda. Mewali, nipekiri hampai apa lempona Ngkorana Pue Ala au teuki node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ ”

Matiu 9:13 교차 참조

Markus 2:17

Nahadi Yesu lolitanda, ido hai Nauliangaahe, “Tauna au bara mahai, bara moparaluu sando. Tomahai pea au moparaluu sando. BaraNa mai mokakio tauna au manoto babehianda. KamaiNgku ide, maiNa mokakio tomadosa bona menosohe hangko i dosanda.”

Lukasi 19:10

Ido hai Iko, Ana Manusia, maiNa i dunia ide. Lawi tunggaiaKu bona mohaokiNa tauna au karao hangko i Pue Ala hai mohoremahe hangko i huku dosanda.”

Lukasi 5:32

BaraNa mai mokakio tauna au manoto babehianda. KamaiNgku ide, maiNa mokakio tomadosa bona mampenosoihe dosanda.”

Matiu 12:7

lawi Iko, Ana Manusia, au natudu Pue Ala. Ara kuasaNgku mopakanoto apa au peisa rababehi i Alo Pengkarooangaa. I lalu Sura Malelaha, Pue Ala manguli node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ Mewali, ane rapana niisa lempona lolita ide, kebarahe nisalai au bara masala.”

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Suro 11:18

Karahadina lolitana, barapohe mosalai Peturu. Hai motoiamohe Pue Ala, rauli, “Ide-ide tongawami irikami, Pue Ala modoko worihe tauna au barahe to Yahudi, hai Naweihe katepaka menoso hangko i dosanda duunda molambi katuwo maroa au bara mokahopoa.”

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.

Lukasi 24:47

Ope-ope tauna hangangaa menoso hangko i dosanda, bona naampungihe Pue Ala, anti kanapahurunda Datu Topehompo. Bambari iti hangangaa rapahawe i humalele dunia, mepongka i Yerusale.

Matiu 4:17

Mepongka hangko indo, Yesu mopahawe lolitaNa, Nauli, “Nipenosoimide dosami, lawi ina hawemi poparentana Pue Ala i dunia.”

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Matiu 3:8

Ane tou-tou menosokau hangko i dosami, nibabehimide babehia au maroa.

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Matiu 21:42

Nauliangaahe Yesu, “Bara mani pae nibasa lolita ide i lalu Sura Malelaha au manguli node: ‘Watu au ratende topoaro sou, watu iti au mewali pohudaa sou. Iti mewali moula peundeana Pue Ala, hai maroa ntepuu apa au Nababehi iti.’ ”

Matiu 12:3

Mehana Yesu, “Bara pae nibasa apa au nababehi Datu Daudi hai ranganahe hangkoia i temponda marimi?

Markus 12:26

Kana i pearonda tomate, bara mani pae hambela nibasa lolita au ara i lalu Sura Malelaha au mopakanoto katuwonda hule tomate? I lalu sura Aturana Musa, tabasa tuntukana au mopahaweake noumba Pue Ala mongkora i nabi Musa hangko i rore api i lalu lopo. I tempo iti, Burahima, Isaki hai Yako mahaemohe mate. Agaiana nauri nodo, Pue Ala mouliangaa Musa node: ‘Ikomi Pue Ala au rapenombai Burahima, Isaki, hai Yako.’

Yohane 10:34

Nauli Yesu, “I lalu Sura Aturami, teukimi lolitana Pue Ala i to Yahudi hangkoia au manguli node: ‘pue alakau.’

Matiu 19:4

Nahanai Yesu, “Bara pae nibasa apa au teuki i lalu Sura Malelaha au manguli: nguru-nguruna Pue Ala mampopewali tobalilo hai towawine.

Matiu 12:5

Nipekiri wori apa au teuki i lalu Aturana Musa, tadulako mpenomba i lalu Souna Pue Ala, mobago ntepuuhe i Alo Pengkarooangaa, agaiana barahe rasalai.

Lukasi 10:26

Nauli Yesu, “Apa au teuki i lalu Aturana Musa? Apa au nubasa inditi?”

Markus 12:33

Hai hangangaa tapokaahi Pue Ala hangko i kabulana lalunta, hangko i sukana kapandeta, hai hangko i sukana rohonta. Hai hangangaa tapokaahi hangka ranganta nodo watanta haduduanta. Iti au meliu kamaroana hangko i ope-ope binata hai anu-anu ntanina au tapopenomba i Pue Ala.”

Lukasi 5:31

Nahanaihe Yesu, Nauli, “Tauna au bara mahai, bara moparaluu sando. Tomahai pea au moparaluu sando.