Matiu 8:17 - Sura Malelaha

¹⁷ Ope-ope au nababehi Yesu ide mopabukeimi lolitana nabi Yesaya hangkoia au manguli, “Iami au mohalea pantodihanta hai mopakaoha hakinta.”

Matiu 8:17 교차 참조

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.

Matiu 1:22

Ope-ope iti mewali bona tepabukei Ngkorana Pue au naukimi nabiNa hangkoia:

Matiu 2:23

hai maidahe i boea au rahanga Nasare. Mewali tepabukeimi lolitanda nabi hangkoia kana i Datu Topehompo au manguli node: Ia ina rauli to Nasare.

Matiu 2:15

Maidamohe inditi duuna Datu Herode mate. Mewali, tepabukeimi Ngkorana Pue au napahawe nabiNa hangkoia au manguli node, “Kukakio mai AnaNgku hangko i tampo Masiri.”

Markus 1:32

Kalumbami, i katampuna alo, ope-ope tomahai hai au napesuangi tokadake raantimohe i Yesu.

Lukasi 4:40

Tampumi alo, bosa tauna laohe i Yesu, moanti ope-ope halalunda au mantodiha ngkaia pakana haki. Natobomohe Yesu ope-ope hai Napakaohahe.

2 Korintu 12:10

Mewali, kupokatana mpuu ane maledena, hai matanana ane rakakabosaina ba rapopeahi-ahina, ba molambina kasusa hai kapari anti peulangku i Kerisitu. Lawi ane maledena, ina marohona anti kanatulungingku Pue.