Matiu 6:23 - Sura Malelaha

²³ Agaiana ane wura matami, makaindi wori humalele watami. Ane hulo au ara i watami mewali makaindi, meruu ntepuu kamakaindina.”

Matiu 6:23 교차 참조

1 Yohane 2:11

Tauna au bara mampokaahi halalunda, manoto tuwo manihe i kamakaindi hai barahe moisa iumba kalaoanda, lawi napabilomohe kamakaindi iti.

Matiu 6:22

“Matami iami hulona watami, lawi ane maroa matami, manoto petotokimi.

Epesu 4:18

hai makaindi lalunda. Barahe mohumba katuwo au wou hangko i Pue Ala, lawi barahe moisa Pue Ala. Ntulihe lawi matua lalunda.

1 Korintu 2:14

Tauna au bara moisa Pue Ala, barahe mampoinalai paturo au hangko i Inaona Pue Ala, lawi rauli, “Paturo iti, lolita tontuli.” Bara rabuku tauna iti modoko paturo au hangko i Inaona Pue Ala, lawi paturo iti hangangaa napakanoto Inao Malelaha i lalunta.

Roma 1:22

Rapehangu mapandemohe, mole ntulitorihe!

Epesu 5:8

Hangkoia, makaindi mani lalumi, agaiana ide-ide mabaami lalumi anti pohintuwumi hai Pue. Mewali, hangangaa tuwokau i lalu kamabaa.

Lukasi 8:10

Nahanaihe Yesu, Nauli, “Hangkoia, tewuniangi mani paturo kana i poparentana Pue Ala. Ide-ide naweikau Pue Ala pekiri bona niisa lempona paturo iti. Agaiana tauna bosa, Kupaturohe hai ngkora pandiri bona lempona tewuniangi irihira. ‘Meitatohe, agaiana bara raisa lempona apa au raita. Mehaditohe, agaiana bara raisa tunggaiana apa au rahadi.’

Matiu 20:15

Bara pae peunde-undeakuto mampopobundu doingku? Moapari hai mahinakau i rangami ane maroa lalungku irihira?’ ”

Markus 7:22

mebualosi, mampokaelu anu-anuna rangana, hai au mobabehi mampopengaa au kadake. Ara worihe au mepakanawo, nakuasai peundeana laluna au kadake, mahina, mepakadake, mampemahile, hai bara mau modoko paturo.

Lukasi 11:34

Matamu iami hulona watamu, lawi ane maroa matamu, manoto petotokimu. Agaiana ane wura matamu, makaindi ntepuu petotokimu.