Matiu 6:10 - Sura Malelaha

¹⁰ Nupopewalimi poparentaMu i dunia, bona ope-ope tauna mobabehi peundeaMu nodo au mewali i suruga.

Matiu 6:10 교차 참조

Ibarani 10:36

Kehapiri apa pea au mewali, hangangaa mantahake. Nipeulai liliu peundeana Pue Ala hai ina molambikau apa au Nadandiakau.

Yohane 4:34

Ido hai nauliangaahe Yesu, “PaandeKu, iami mampeulaiNa peundeana Pue Ala au motuduNa, hai moparooNa bago au NaweiNa.

Matiu 26:42

Hangko inditi, lao mbulimi mekakae haduduana, Nauli, “UmaNgku, ane kapari ide bara peisa rapakarao hangko Iriko, batena peundeaMuri au mewali.”

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Kolose 1:9

Mewali, halalu, i kakihadina bambari kana i pepoinalaimi, kipekakaea liliukau. Mekakaengkai i Pue Ala, kiperapi bona hai Inao Malelaha Napamanoto lalumi hai Napopaisaakau ope-ope peundeaNa,

Epesu 6:6

Inee nibabehi nodo i lindonda pea ampumi bona ratoiakau. Mobagokau nodo hawina Kerisitu au moula peundeana Pue Ala hangko i lalumi.

Matiu 7:21

Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

1 Peturu 2:15

Hangangaa nibabehi nodo, lawi itimi peundeana Pue bona hangko i kamaroana babehiami, tauna au bara moisa Pue barapohe bai mosalaikau.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Lukasi 22:42

Nauli, “UmaNgku, ane Nuunde, Nupakaraoa wongkoia kapari au ina morumpaNa ide. Agaiana bara peundeaKu au Kuula, peundeaMuri, Uma.”

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Pampetudungia 19:6

Roo indo, kuhadi wori ponganganda tauna au bosa ntepuu. Ponganganda iti nodo powoo owai au mahile, hai nodo pomoni gumpata. Kuhadihe manguli, “Haleluya! Toiami Pue Ala. Lawi Amputa Pue Ala moparentami! Melumbu kuasaNa hangko i hinangkana.

1 Tesalonika 4:3

Ide peundeanami Pue Ala bona malelaha katuwonta, hai mokaraohikau babehia au merikai.

Suro 21:14

Anti kadana napokana pekontoki, ido hai barapi kipari-pari kikonto. Kiuli pearai, “Peundeana pea Pue au mewali.”

Suro 13:22

Agaiana kahopoana, ia Napopendaulu Pue Ala hangko i pohudaa kadatuana, hai moangka Daudi mewali datunda to Yahudi. Idemi lolitana Pue Ala kana i Daudi: ‘Daudi anana Isai iami tauna au mopakatana laluNgku hai au mobabehi apa peundeaKu.’

Matiu 4:17

Mepongka hangko indo, Yesu mopahawe lolitaNa, Nauli, “Nipenosoimide dosami, lawi ina hawemi poparentana Pue Ala i dunia.”

Pampetudungia 12:10

Roo iti, kuhadi hambua wotu i suruga au mololita masisimbuku, nauli, “Hawemi tempona Amputa Pue Ala mowei katehorema i taunaNa, mopatongawa kuasaNa, hai mepongkami moparenta. Hawemi tempona Datu Topehompo au Napilei Pue Ala ina mopatongawa kamakuasaNa. Lawi Datu Tokadake rapopelohomi hangko i suruga; iami au mosalai liliuhe halalunta hampepepoinalai i lindona Amputa Pue Ala.

1 Peturu 4:2

Mewali, i tempomi mani tuwo i dunia ide, inee nipeulai peundeana lalumi au kadake. Hangangaa moulakau peundeana Pue Ala.

Ibarani 10:7

Ido hai kuuli: O Pue Ala, idemoNa maiNa mobabehi peundeaMu, nodo au teuki i lalu Sura Malelaha kana i wataNgku.”

Lukasi 19:38

Monani-nanihe, rauli, “Rawatimi Datu au mai i lalu hangana Pue! Maroa hulemi pohintuwuta hai Pue Ala. Tetoiami Pue au i suruga!”

Markus 3:35

Lawi hema-hema au mobabehi peundeana Pue Ala, ihirami halaluNgku hai ihirami inaNgku.”

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Markus 11:10

Rawatimi poparentaNa, Ia ina moparenta nodo Datu Daudi, toiorunta hangkoia. Horemangkai, O Pue Ala au indora i suruga!”

Pampetudungia 11:15

Malaeka au kapitu motawuemi tatamburuna. Hai arahe au monganga-nganga i lalu suruga, rauli, “Ide-ide poparenta i dunia i taienami Pue Ala himbela hai Datu Topehompo au Napileimi bona Pue Ala moparenta i hae-haena.”

Pampetudungia 20:4

Roo indo, kuita bahangkia kadera kadatua au rapohudai tauna au raweihe kuasa mobotusi kara-kara. Kuita wori tanoananda tauna au rabohoki tambolonda anti popangakunda kaYesuna Ampunda hai popahawenda Ngkorana Pue Ala. Tauna iti, barahe hambela menomba i binata au kadake ba i lengge binata iti, hai bara worihe modoko tanda binata i wingkenda ba i taienda. Ido hai tuwo hulehe hai moparentahe hihimbela hai Kerisitu i lalu hasabu parena.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Kolose 1:13

Ia mokabahamoke hangko i kuasa au makaindi, hai Napopewalimoke taunaNa i lalu poparentana AnaNa au Napokaahi.

Lukasi 19:11

I tempona Yesu barapi karao hangko i wanua Yerusale, bosahe tauna meula Iria. Tauna bosa iti mampehangu, ane hawe Yesu i Yerusale, poparentana Pue Ala unga pea ina hawe i dunia. Mewali, Yesu mopaliliu lolitaNa hai ngkora pandiri ide,

Suro 22:14

Roo indo, nauliangaa mbulina, ‘Pue Ala au rapenombai toiorunta hangkoia mopileimoko bona nuisa apa peundeaNa. Napileiko bona moitako Yesu, Hawina Pue Ala au manoto, hai bona nuhadi lolitaNa.