Matiu 5:14 - Sura Malelaha

¹⁴ Ikamu au meula Iriko, nodokau pewangka au raita ope-ope tauna. Wanua au raaro i wongko bulu bara ina tewuniangi.

Matiu 5:14 교차 참조

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

Yohane 8:12

Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”

1 Tesalonika 5:5

Ikamu ope-ope arakau i lalu kamabaa. Lempona, mobabehikau apa au maroa; barake nodo tauna au ara i lalu kamakaindi.

Yohane 12:36

Mepoinalaimokau Iriko i tempoKu mani mewangka i olomi bona mabaa lalumi.” Karoona Yesu mopahawe ope-ope iti, padumi hangko inditi, hai barapi mopatongawa wataNa i tauna bosa.

2 Korintu 6:14

Ineekau mampohintuwua tauna au barahe mepoinalai i Pue Yesu. Ba niuli himbela pea tauna au moulahe peundeana Pue Ala hai tauna au mosapuakahe Pue Ala? Peisa pae au mabaa mohintuwu hai au makaindi?

Yohane 5:35

Yohane iti nodo hulo au mewangka sangka pea hai moanti baa irikamu au nipokatana mpuu, agaiana kamatanami iti sangka pea.

Pampetudungia 1:20

Pitu oguna betue au nuita i taie koanaNgku hai biti hulo bulawa au pitu mbuana, ina Kupakanotoako lempona: betue au pitu oguna, lempona pitu tadulako au mokadipura pitu jumaa. Hai biti hulo bulawa au pitu mbuana, lempona pitu jumaa.”

Yohane 9:5

TangaNgku mani i dunia, Ikomi pewangka au mopamabaa lalu manusia i humalele dunia.”

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.