Matiu 4:21 - Sura Malelaha

²¹ Roo indo, Yesu mopaliliu polumaoNa. TangaNa lumao, moita mbuli rodua topohalalu, iamohe, Yakobu hai Yohane, anana Sebedeus. Ihira hai umanda tanganda mopakaroa dala i lalu duanga. Yesu mokakiohe tontaliadi iti bona meulahe Iria.

Matiu 4:21 교차 참조

Matiu 10:2

Hanganda surona Pue Yesu au hampulo hai rodua iti, idemohe: Au nguru-nguruna Simo, au rahanga wori Peturu; roo indo, Andaria adina Simo, Yakobu anana Sebedeus, Yohane adina Yakobu, Pilipu, Bartolomeus, Tomas, Matiu toperuru asele, Yakobu anana Alfeus, Tadeus, Simo to Selot, hai Iskariot au mampobalu Yesu.

Suro 12:2

Pandirina ia motudu tauna mopapate Yakobu wutuna Yohane hai piho.

Yohane 21:2

Hambela tempo bahangkiahe topeguruna Yesu mogulu i wiwi rano, iami Simo Peturu, Tomas au rauli Toporopa, Natanael hangko i boea Kana i tampo Galilea, rodua anana Sebedeus, hai rodua topeguruna Yesu au ntanina.

Markus 5:37

Napaliliumi Yesu polumaoNa agaiana bara mopaliu tauna bosa meula Iria, batena pea Peturu, Yakobu hai Yohane adina.

Matiu 26:37

Agaiana Ia mowawaha Peturu hai anana Sebedeus au rodua bona meulahe Iria. I tempo iti, mapari Nahadi hai moradami laluNa.

Matiu 17:1

Ini alona hangko inditi, Yesu moanti talu topeguruNa mempanai lao i wongko bulu au mapangka. TopeguruNa au talu iti iami: Peturu, Yakobu hai Yohane adina Yakobu. Ihira pea au ara inditi.

Matiu 4:20

Rapalehi mpuumi dalanda, hai mepongka alo iti, meulamohe i Yesu.

Matiu 4:22

Rapalehimi duanganda hai umanda, hai meula worihe i Yesu.