Matiu 4:13 - Sura Malelaha

¹³ Roo indo, Napalehimi boea Nasare lao maida i boea Kapernaum. Kapernaum iti, boea au i wiwi rano Galilea, i tampo Sebulo hai Naptali.

Matiu 4:13 교차 참조

Yohane 4:46

I tampo Galilea iti, lao mbulimi Yesu i boea Kana, i boea pobalikiaNa owai mewali anggoro. Inditi ara hadua tauna au mobago i sou kadatua i boea Kapernaum. Anana au tobalilo tangana mahai rumihi.

Markus 1:21

Hangko inditi, Yesu hai topeguruNa laohe i boea Kapernaum. I Alo Pengkarooangaanda to Yahudi, mesuami Yesu i lalu sou penombaa hai mepongka mepaguru.

Matiu 11:23

Hai ikamu wori to Kapernaum! Ba nipehangu ina naangkakau Pue Ala hawe i suruga? Bara! Ina Natendekau i lalu naraka! Ane rapana tanda kuasa au Kubabehimi i boeami, Kubabehi wori i wanua Sodomo hangkoia, wanua iti kebara napakarugi Pue Ala, ara mani duuna ide-ide.

Yohane 6:59

Ope-ope iti Napahawe Yesu i tempona mepaguru i sou penombaa i Kapernaum.

Yohane 6:24

Karaisana tauna bosa, Yesu barapi ara inditi hai topeguruNa wori barapohe ara, moduangamohe lao rahaoki i Kapernaum.

Yohane 6:17

Duuna ina kaindimi Yesu bara mani teduu. Mewali, moduangamohe lao monontohi boea Kapernaum.

Yohane 2:12

Roo posusa iti, laomi Yesu i boea Kapernaum hihimbela hai inaNa, halaluNa hai topeguruNahe. Maidahe inditi bahangkia wengina.

Matiu 17:24

Kahawena Yesu hai topeguruNa i wanua Kapernaum, hawemohe tauna au mampesingarai asele Souna Pue Ala i Peturu hai mekune, “Noumba gurumu ba mobaiari wori asele Souna Pue Ala, ba bara?”

Lukasi 4:23

Ido hai nauliangaahe Yesu, “Manoto arakau au ina mouliangaaNa node: ‘Ee sando, nupakaoha hampai watamu haduduamu! Ane tou-tou mpuuKo nabi, Nupopaitaangkai kuasaMu i boeaMu haduduaMu. Tanda kuasa au kihadi Nubabehi i boea Kapernaum, Nubabehi wori inde.’ ”

Matiu 4:14

Inditi Yesu mobambari Ngkorana Pue i ampu boea, alana tepabukei lolita au napahawe nabi Yesaya hangkoia au manguli node,

Matiu 4:15

“Tamponda to Sebulo hai to Naptali au hungku i rano Galilea, ara ntanda i orupena owai Yarade. Tampo iti iami Galilea au rapaidai tauna bosa au barahe to Yahudi.

Matiu 9:1

Hangko inditi, mesawimi Yesu i duanga hihimbela hai topeguruNa, mowetahe mesule lao i paidaanda i boea Kapernaum.

Markus 2:1

Bara mahae hangko indo, Yesu mesule lao i boea Kapernaum. Tebambari kaaranami Yesu i sou.

Lukasi 10:15

Hai ikamu wori to Kapernaum! Ba nipehangu ina naangkakau Pue Ala hawe i suruga? Bara! Ina Natendekau i lalu naraka!”