Matiu 3:17 - Sura Malelaha

¹⁷ Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Matiu 3:17 교차 참조

Matiu 17:5

Tangana mani Peturu mololita, unga pea hawe gawu au mewangka mobalungkuhihe, hai hangko i lalu gawu iti mohadihe hambua wotu au manguli, “Idemi AnaNgku au Kupokakaia hai au Kupokatana. Nipehadingi lolitaNa!”

2 Peturu 1:17

Lawi hangkoia i tempona Yesu napopeawa hai nabila Pue Ala UmaNa au mahile tuwoNa i wongko bulu, arangkai hihimbela hai Ia. I tempo iti, nauli Pue Ala: “Idemi AnaNgku au Kupokakaia hai Kupokatana.”

Lukasi 9:35

Unga peahe mohadi hambua wotu hangko i lalu gawu au manguli, “Idemi AnaNgku au Kupilei. Nipehadingi lolitaNa!”

Matiu 12:18

“Idemi hawiNgku au Kupilei, au Kupokakaia, hai au mopamatana laluNgku. Ina Kuwei InaoNgku Iria. Ia ina mopahawe parentaKu au manoto i ope-ope tauna.

Markus 9:7

Unga pea hawe gawu mobalungkuhihe, hai hangko i lalu gawu iti rahadimi hambua wotu au manguli, “Idemi AnaNgku au Kupokakaia. Nipehadingi lolitaNa!”

Lukasi 3:22

hai Inao Malelaha nodo tadasi manggebodo mendaulu Iria. Hai ara hambua wotu hangko i suruga au manguli, “Oiomi AnaNgku au Kupokakaia hai Kupokatana.”

Markus 1:11

Roo nodo, rahadimi wotuna Pue Ala hangko i langi au manguli, “Oiomi AnaNgku au Kupokakaia hai Kupokatana.”

Kolose 1:13

Ia mokabahamoke hangko i kuasa au makaindi, hai Napopewalimoke taunaNa i lalu poparentana AnaNa au Napokaahi.

Epesu 1:6

Ido hai tatoiami Pue Ala, lawi mahile mpuu ahiNa irikita. Hangko i kabulana laluNa, Nawei mberomoke ahiNa anti pohintuwuta hai Yesu, AnaNa au Napokaahi.

Yohane 5:37

Hai meliu hangko inditi, UmaNgku au motuduNa mai, Ia haduduaNa mewali sabiNgku bona mopakanoto kahemaNgku. Ikamu, bara mani hambela nihadi wotuNa, bara mani niita lenggeNa.

Pampetudungia 14:2

Ara kuhadi pomoni au mahile hangko i suruga, nodo powoo owai au ngkaia, hai karumihina nodo pogumuru gumpata. Pomoni au kuhadi iti, nodo wori pomoni kecapi au rakalea tauna.

Yohane 5:20

lawi UmaNgku mampokakaiaNa, hai NapopaitaaNa ope-ope au Nababehi. Hai ara mani bago au ina NapopaitaaNa au meliu kamahilena hangko i bago au roomi Kubabehi. Ina Kubabehi bago iti alana nipotingkara mpuu.

1 Yohane 5:9

Mewali ane mampoinalaike posabinda tauna, apa mani posabina Pue Ala. Lawi Pue Ala mosabiki AnaNa haduduaNa.