Matiu 28:2 - Sura Malelaha

² Unga pea ara linu mahile, lawi hadua malaekana Pue mendaulu hangko i suruga mai mololi watu popetuko talumba, hai mohuda i wongkona.

Matiu 28:2 교차 참조

Suro 16:26

I tempo iti, unga pea ara linu rumihi alana tarunggu iti modua-dua. Ope-ope baba, unga pea tebungkahi, hai rante au rapopohilu ope-ope tauna au ratarunggu tebolehi wori.

1 Timotiu 3:16

Maroa ntepuu paturo au tapeulai anti pengkorunta i Pue Ala. Hangkoia paturo iti bara raisa tauna, agaiana ide-ide natudungiamoke Pue Ala. Lawi idemi au tapoinalai kana i Yesu Kerisitu: Iami au mewali manusia, au napakanoto Inao Malelaha, hai au raita malaeka. BambariNa rapahawe i tauna au bara manihe moisa Pue Ala, hai Ia rapoinalai tauna i humalele dunia, hai naore Pue Ala lao i suruga i lalu peawaNa.

Yohane 20:1

Hungku mabaa alo Minggu, laomi Maria Magdalena i talumba. Hawe inditi, liliu naita watu petuko talumba telolimi.

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

Matiu 27:60

hai napopaturu i lalu talumbana au napatimamami. Talumba au wou mani iti rakalolungi i tabingke bulu watu. Roo indo, mololimi haogu watu au mahile napopotuko baba talumba iti, hai padumi.

Matiu 27:66

Lao mpuumohe i talumbaNa. Watu petukona rapekatandai bona dati peisa rabungkahi, hai surodado iti ratuduhe mokampai talumbaNa bona dati ara au mokakalea.

Suro 5:19

Agaiana kaindi iti, hawemi hadua malaekana Pue mobungkahi baba tarunggu hai moantihe lao i raoa. Nauli malaeka iti irihira,