Matiu 27:52 - Sura Malelaha

^52-53 Tempo iti, ngkaia talumba au tebungkahi hai bosa tauna au mengkoru i Pue rapatuwo hule. I karapatuwona hule Yesu, mesuahe i wanua Yerusale au rauli wanua au malelaha. Bosa tauna au moitahe.

Matiu 27:52 교차 참조

1 Tesalonika 4:14

Ane tapoinalai Pue Yesu au mate hai napatuwo hule Pue Ala, hangangaa tapoinalai wori ope-ope tauna au mate au mepoinalai Iria ina tuwo hule worihe. Hai ina naguluhe Pue Ala hihimbela hai Yesu.

1 Korintu 15:20

Agaiana idemi paturo au tou, Kerisitu rapatuwo hulemi. Ia au nguru-nguruna tuwo hule hangko i kapate. Hai karapatuwo huleNa mopakanoto kaina rapatuwo hulenda wori ope-ope tomate.

1 Tesalonika 5:10

Yesu Kerisitu mate mopahuruke bona ane hawe deade, ina tuwoke hihimbela hai Ia. Kehapiri matemoke ba tuwo manike i tempo iti, batenta ina tuwo hihimbela hai Ia.

1 Korintu 15:51

Mewali bona niisa, kupahaweakau paturo au tewuniangi hangkoia: i kahawena hule Pue Yesu, arake au bara mani mate, agaiana ikita ope-ope ina rabaliki, maroa au tuwo, maroa au mate.

1 Korintu 11:30

Idomi pongkana pane bosahe tauna i olomi au mahai hai malede, hai ara wori rangami au mate.

Suro 7:60

Roo indo, molingkudumi, hai mololita masisimbuku, nauli, “Pue, ineehe Nuhuku anti dosanda ide.” Karoona mololita nodo, matemi.

Yohane 11:11

Nodomi lolitana Yesu, hai roo indo Nauli mbuli, “Himadanta Lasaru, letami. Agaiana ina lao Kurua.”