72 Mesapu mbulimi Peturu hai mosumpa, nauli, “Bara kuisa tauna iti!”
Nauli Yesu, “Peturu, Kuuliangaako: wengi ide, hangko damani motuturua manu, talumi belana nusapuaka kanuisaNgku.”
Mosumpa mbulimi Peturu, nauli, “Mate-materaina! Bara mpuu kuisa!” I tempo iti, motuturuami manu.
Hangko inditi lao worimi Peturu meangka hungku i babaka. Ara wori hadua towawine au moita ia hai mouliangaahe tauna au inditi, “Ia ide hihimbela wori hai Yesu to Nasare iti.”
Bara mahae hangko indo, tauna au meangkahe inditi mohungkuki wori Peturu, rauliangaa, “Oio mpuu hadua rangaNa! Manoto hangko i pololitamu katoGalileamu.”
