44 Yesu mopalehihe lao mekakae i kataluna belana. PekakaeaNa iti himbela hai pekakaeNa au inona.
Talumi belana mekakaena i Pue, kuuli: “O Pue, kuperapi bona Nuingihia wongkoia haki au mopamalede watangku ide.”
Roo indo, Yesu mopahawe hampaka ngkora pandiri i topeguruNa bona mekakae liliuhe hai inee malede lalunda.
Ane mekakaekau, inee nipopenggoli-nggoli nodokau tauna au bara moisa Pue Ala. Rapekiri, ane ngkalanga pekakaenda, pamperapinda ina tepabukei.
Roo indo, mesule mbulimi mampombelambia topeguruNa. Leta mbulihe anti kamaleluenda.
Karoona mekakae, mesule mbulimi i topeguruNa au talu, Nauliangaahe, “Maturu hai leta manikau pae? Peita, hawemi tempona Iko Ana Manusia ina rapobalu hai rahuhu i tauna au kadake.
