Matiu 25:35 - Sura Malelaha

³⁵ Lawi i tempoKu marimi, nipaandeNa. MangkadouNa, nipaenuNa. MoliuNa i soumi, nipopehupeNa.

Matiu 25:35 교차 참조

Ibarani 13:16

Ineekau mokabaha babehiami au maroa. Hangangaa motulungikau rangami, lawi itimi popenomba au napokatana Pue Ala.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

Roma 12:13

Nitulungihe rangami hampepepoinalai au ara i lalu kamakuranda. Hangangaa matanakau modoko torare.

Roma 12:20

Mewali, nipeulai paturo i lalu Sura Malelaha au manguli: “Ane iwalimi marimi, nipaandehe. Ane mangkadouhe, nipaenuhe. Ane nodo nibabehi, kahopoana ina mewalihe maea.”

Ibarani 6:10

Pue Ala batena manoto. Bagomi au nipobagomi hangko i lalumi au buke ahi bara ina naliu inaoNa. Manoto nipokaahi Pue Ala, lawi bosami belana motulungikau halalumi hampepepoinalai, maroa i tempo au liu, maroa ide-ide.

Pilemo 1:7

Halalungku, Matana mpuuna hai tepalindo lalungku anti kamahilena ahimu iti, lawi oio au mopakaroho lalunda ope-ope tauna au mepoinalai i Pue Yesu.

1 Timotiu 5:10

Hangangaa au manoto babehianda, pandirina: hangkoia mokadipura maroamohe ananda, matanahe modoko torare i sounda, motulungihe halalunda hampepepoinalai, mokadipurahe tauna au i lalu kapari, hai mobabehihe hinangkana bago au maroa.

Epesu 4:28

Tauna au manangka, ineemohe manangka. Aginda mobago bona molambihe apa au raparaluu hai bona peisa worihe motulungi ranganda au mapari.

Roma 16:23

Gayu wori mopakatu tabeana. Iko, Paulu, maidana i souna Gayu, hai to Sarani i wanua ide paka moguluhe inde. Erastus, topamboli doi wanua, hai halalunta Kwartus mopakatu worihe tabeanda.

Suro 16:15

Karoonda Lidia hantambi rariu, napari-parimongkai Lidia lao maida i souna, nauli, “Ane niimbana manoto i lalu pepoinalaingku i Pue Yesu, laomoke i soungku.” Ido hai lao mpuumongkai i souna moula pamperapina.

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Suro 10:31

Nauliangaana tauna iti: ‘Kornelius, napehadingimi Pue Ala pekakaemu hai Naitami kamaroana lalumu.

Suro 4:32

Ope-ope tauna au mepoinalai i Yesu, mohintuwu hai hampepekirihe. Bara ara hadua au manguli, “Ide, iko ampuna,” agaiana ope-ope au ara irihira rapoanu sambela.

Yohane 13:29

Hanggaahe mampehangu Yesu motudu Yudasi lao moholo apa au raparaluu i posusanda, ba mowei doi i tauna au meahi-ahi, lawi Yudasi topamboli doi.

Lukasi 11:41

Apa au ara irikamu hangangaa niweihe tauna au meahi-ahi tuwonda. Ane nodo nibabehi, ina mewali mpuukau tauna au malelaha.

Markus 14:7

Lawi tauna au meahi-ahi, ara mpaliliuhe irikamu. Ane niunde motulungihe, arato katepakami. Agaiana Iko, baraNa ara liliu irikamu.

Matiu 26:11

Ane tauna au meahi-ahi, ara mani katepakami motulungihe lawi ara mpaliliuhe irikamu. Agaiana Iko, baraNa ara liliu irikamu.

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’