Matiu 24:5 - Sura Malelaha

⁵ Lawi bosa tauna ina mai hai mangulihe kaihiranami Datu Topehompo. Bosa tauna ina rapakanawo.

Matiu 24:5 교차 참조

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Matiu 24:11

Hai ina hawe worihe bosa nabi au mopakanawo bosa tauna.

1 Yohane 2:18

Anangku, barapi mahae kahopoa dunia ide ina hawemi. Hai ina hawe hadua Tomampoiwali Kerisitu, nodo au paka rapaturoakau. Hai ide-ide hawemohe bosa tauna au mampoiwali Kerisitu. Ido hai tongawa mpuu kaina hawenami kahopoa dunia.

Yohane 5:43

UmaNgku au motuduNa mai, hai kuasaNgku Kulambi hangko Iria. Nauri nodo baraNa nidoko. Agaiana ane arahe au mai i lalu kuasanda haduduanda, ihirari au nidoko.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Yohane 8:24

Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’, batena mpuukau mate i lalu kamadosami.”

Yohane 8:28

Ido hai Nauliangaa mbulihe, “Ane mopamapangkamokau Ana Manusia, hangko niisari Ikomi au rauli ‘IKO ARA’, hai bara ara hampaka au Kubabehi moula peundeaKu. BateNgku pea mampololita apa au NapaturoaNa UmaNgku.

1 Yohane 2:22

Au modongko iamohe tauna au mosapuaka kaYesuna Datu Topehompo. Ihirami au mampoiwali Kerisitu, lawi mosapuakahe Pue Ala Umanta hai Yesu AnaNa.

1 Yohane 4:3

Ope-ope tauna au bara mopangaku Yesu, barahe napoana Pue Ala. Tauna iti nakuasaihe inao au hangko i Tomampoiwali Kerisitu. Nihadimi paturo au manguli kaina hawena tauna au mampoiwali Kerisitu, hai ide-ide arami i lalu dunia.