Matiu 23:28 - Sura Malelaha

²⁸ Nodo wori ikamu, manoto babehiami i raoami pea bona ratoiakau rangami. Agaiana i lalumi, buke dongko hai dake.

Matiu 23:28 교차 참조

Lukasi 16:15

Agaiana nauliangaahe Yesu, “Mampemanotokau i peitana tauna, agaiana Pue Ala moisa ihi lalumi. Lawi apa au nahaoki manusia, itimi au nakahihi Pue Ala.

Matiu 23:5

Mampempemaroahe bona ratoiahe ranganda. Ane moula adanta, ikita hangangaa mopatakake kapipi pambolia bahangkia wati hangko Sura Malelaha. Agaiana ane toParisi, kapipi iti rapamahile-hile, nodo wori rombo-rombo i badunda rapamandoe-ndoe bona rauli rumihi pampeulainda ada agama.

Matiu 23:27

Hurewumokau, guru agama hai toParisi! Maroa i raoa peakau! Nodokau talumba au radaio hai rawone bula, i raoana maroa raita, agaiana i laluna teihii buu tomate hai ngkaia pakana au merikai.

Matiu 23:29

Hurewumokau, guru agama hai toParisi! Maroa i raoa peakau! Nipakaroa liliu daionda nabi hai tauna au manoto hangkoia.

Galatia 2:13

Hai arahe halaluna hampepepoinalai to Yahudi au moulahe babehiana Peturu au sala iti alana Baranaba meula wori irihira, barapi mau maande hihimbela hai tauna au barahe to Yahudi.