Matiu 22:8 - Sura Malelaha

⁸ Roo indo, nakakio mbulimohe hawina, nauliangaahe: ‘Posusa petauna masilolongami, agaiana tauna au kukakiomi, barahe hintoto.

Matiu 22:8 교차 참조

Pampetudungia 3:4

Agaiana arahe bahangkia tauna i olomi au mokadipura liliu tuwonda dati nadaihi dosa. Ihira ina molumao hihimbela hai Iko, mehampi bula meningkihe, lawi masukahe mehampi nodo.

2 Tesalonika 1:5

Mewali, anti kamarohona pepoinalaimi, tongawa kamanotona pebotusina Pue Ala. Moula pebotusiNa, ina mewalikau taunaNa i lalu poparentaNa lawi mantahakau i lalu kapari au morumpakau anti peulami i Pue Ala.

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Pampetudungia 22:14

Morasihe tauna au mobahoi hampinda hawe maitu, lawi ihira au ina rapaliu maande wua Kau Ngkatuwo. Ihira au peisa moliu i babaka mesua i lalu wanua iti.

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Lukasi 20:35

Agaiana tauna au hintoto molambi kiranda i dunia au wou hai au napatuwo hulehe Pue Ala, barapohe motambi ba rapopotambi.

Matiu 9:15

Nahanaihe Yesu hai ngkora pandiri, Nauli, “Tauna i posusa petauna barahe mopuasa i tempona toratauna tobalilo ara mani i olonda. Agaiana hambela tempo, toratauna tobalilo ina raala hangko i olonda. I tempo itirai, hangko mopuasahe.”

Matiu 22:7

Kanahadina datu apa au mewali, rumihi mpuu karumpuna. Natudumohe surodadona lao mopapate topepapate iti hai mohuwe boeanda.

Matiu 22:9

Mewali, laomokau i penga-penga rara, hai hema pea au nipohidupaa, niwawahamohe mai mesua i posusa petauna.’