Matiu 22:4 - Sura Malelaha

⁴ Ido hai natudu mbulimohe hawina au ntanina, nauliangaahe: ‘Nipahawe i tauna au rakakio: japi rasambalemi, paande lehami, masilolongami ope-ope. Laomoke i posusaa petauna!’

Matiu 22:4 교차 참조

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Matiu 21:36

Ampu bonde iti motudu mbuli hawina au ntanina, meliu kabosanda pane au nguru-nguruna. Agaiana nodo pea karababehina.

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Lukasi 14:17

Masilolongami ope-ope, ampu susa motudumi hawina lao mouliangaahe tauna au rakakio, ‘Laomoke maande, lawi masilolongami ope-ope.’

Matiu 22:8

Roo indo, nakakio mbulimohe hawina, nauliangaahe: ‘Posusa petauna masilolongami, agaiana tauna au kukakiomi, barahe hintoto.

Matiu 22:5

Agaiana ope-ope tauna au rakakio barahe mohaile pekakio iti. Hadua-hadua, laohe i bagonda. Arahe au lao i bondenda, arahe au lao i bagonda ntanina.