Matiu 22:29 - Sura Malelaha

²⁹ Nahanai Yesu, “Sala ntepuu pekirimi, lawi bara niisa ihi Sura Malelaha, bara wori niisa kuasana Pue Ala.

Matiu 22:29 교차 참조

Yohane 20:9

Hawe i tempo iti, bara manihe moisa apa au teuki i lalu Sura Malelaha hangkoia au mopakanoto, “Ia hangangaa tuwo hule.”

Roma 15:4

Ope-ope au teuki hangkoia i lalu Sura Malelaha, teuki bona mewali paturo irikita. Hangko i paturo au tahumba i lalu Sura Malelaha iti, tabuku mantaha i lalu kapari, hai tehuweki lalunta bona maroho peharunganta i Pue Ala.

Lukasi 1:37

Lawi ane Pue Ala, bara ara au bara Nabuku Nababehi.”

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

Suro 26:8

Hai ikamu halalungku to Yahudi, moapari pane bara nipoinalai kamakuasana Pue Ala mopatuwo hule tomate?

Matiu 22:28

Mewali i alo pearonda tomate, ane tou-tou mpuu tomate tuwo hulehe, hemami ampuna towawine iti? Lawi pitumohe au mampotambia.”

Markus 12:24

Nahanai Yesu, “Sala mpuu iti pekirimi, lawi bara niisa ihi Sura Malelaha, bara wori niisa kuasana Pue Ala.

1 Korintu 15:34

Ido hai kuuliangaakau, nipakanoto lalumi moula paturo au tou, hai nikabahami ope-ope dosami. Lawi ara manikau au bara moisa Pue Ala. Iti kupahawe bona maeakau.