Matiu 20:18 - Sura Malelaha

¹⁸ “Nipehadingi maroa! Ide-ide laomoke monontohi Yerusale. Inditimi, Iko Ana Manusia ina rahuhuNa i kapala-kapala tadulako mpenomba hai guru-guru agama, hai ina rabotusi bona rahuku mateNa.

Matiu 20:18 교차 참조

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Matiu 27:1

Madondo-dondo, ope-ope kapala tadulako mpenomba hai totosaenda to Yahudi mobotusi, Yesu hangangaa rahuku mate.

Matiu 26:66

Noumba pelambiami?” Rahanai topogombo iti, rauli, “Hangangaa rahuku mate!”

Matiu 26:2

“Niisa rongalo rai, ina hawe alo mahile Pasa. Hai Ana Manusia ina rahuhu bona rapaku i kau mombehape.”

Lukasi 22:71

Hangko indo, raulimi, “Barapi bunduna ara sabi, lawi tahadi ntalingami lolitaNa au mopakoi Pue Ala!”