Matiu 2:16 - Sura Malelaha

¹⁶ Kanaisana Herode karaakalangina to Mata alo, rumihi ntepuu karumpuna. Ido hai napohawaami surodadona lao mopapate ope-ope anangkoi tobalilo i Beteleme hai i boea au hungku inditi bona Anangkoi au ina mewali datu kana wori rapapate. Naisa mpuu Herode impira pesupana betue iti, lawi napekune hangkoia i to Mata alo. Ido hai natuduhe bona ope-ope anangkoi tobalilo i Beteleme rapapate, mepongka i analei au hangko rapoanaka hawe i anangkoi au romparemi tinuwunda.

Matiu 2:16 교차 참조

Pampetudungia 17:6

Kuita towawine iti, malangumi moenu wahenda taunana Pue Ala. Lempona, ia mopapatehe tauna au mopangaku kaYesuna Ampunda. Tingkara mpuuna moita towawine iti.

Matiu 2:1

I tempona Datu Herode moparenta, Yesu rapoanaka i boea Beteleme i tampo Yudea. I tempo iti, arahe bahangkia tauna au hawe i Yerusale hangko i tamponda au karao ntanda i Mata alo. To Mata alo iti mapandehe mampeita tanda i betue.

Matiu 2:7

Kanahadina Herode lolitanda, nakakio ngkandiimohe to Mata alo dati raisa tauna ntanina. Napekunehe impira mpuu betue iti nguru-nguruna mesupa.

Matiu 2:17

Bosa ampu boea Beteleme moteriahi ananda au rapapate surodadona Herode. Ido hai tepabukei lolitana nabi Yeremia hangkoia au manguli:

Pampetudungia 12:4

Naga iti mowentoka ikuna, modii hangkira talu hangko i betue i langi hai natendehe i wongko dunia. Naga iti meangka i lindona towawine au ina moana bona moame Anana towawine iti au ina mesupa.