Matiu 18:7 - Sura Malelaha

⁷ Hurewumi dunia ide lawi ngkaia au mepakanawo. Tou pepakanawo iti ara, agaiana hurewumohe tauna au mopaara pepakanawo iti.

Matiu 18:7 교차 참조

Lukasi 17:1

Roo indo, nauli Yesu i topeguruNa, “Batena ara pekelo au mopamanawo tauna alanda madosa. Agaiana hurewumohe tauna au mopaara pekelo iti!

1 Korintu 11:19

Barato moapa posisisala peamodekau, bona tongawari pae ba hema au maroho peulana i Pue!

Matiu 26:24

Iko Ana Manusia hangangaa mateNa nodo au tepakanotomi i lalu Sura Malelaha. Agaiana hurewumi tauna au mampobaluNa. Agina tauna iti, ineemi rapoanaka.”

Yudasi 1:4

Kuuli ope-ope ide lawi arahe guru agama au mesua i olomi au moantihe paturo au sala. Tauna iti mangulihe, kaihiranami halalunta hampepepoinalai, agaiana katouana barahe mengkoru i Pue Ala. Rauli wori, peisatoke mampeulai peundeana lalunta au kadake, lawi Pue Ala maahi laluNa. Paturo iti kadake, lawi mobalikihe paturo au tou kana i kabulana laluna Pue Ala, hai mosapuakahe Datunta hai Amputa, Yesu Kerisitu. Ia pea au hintoto tapengkorui. Guru au mepakanawohe iti, ina rahukuhe, lawi hangkoia ara mpuuhe nabi au mampololita kana i hukuanda au napakanotoahe Pue Ala.

Titu 2:8

Pololitamu hangangaa au manoto liliu hai au bara ara kamasalana. Ane nodo babehiamu, ina maeahe tauna au moewake, lawi bara ara lolita kadake au peisake rasalaia.

Titu 2:5

bona manoto lalunda, malelaha katuwonda, mokadipura maroahe ananda hai sounda, maroa lalunda, hai mengkoruhe i tobalilonda. Ane nodo poantinda, bara ina ara tauna au mopakoi Ngkorana Pue Ala.

1 Timotiu 6:1

Halalunta hampepepoinalai au hawi tuwonda, nupaturohe bona mobilahe hai mampeulaihe ampunda i hinangkana dati ara hadua tauna au mopapakoi hangana Pue Ala ba mosapuaka paturonta.

Suro 1:16

“Halalu-halalu, apa au teuki i lalu Sura Malelaha hangangaa mewali. Hangkoia ara lolitana Inao Malelaha au napahawe Datu Daudi kana i Yudasi au moanti tauna mohaka Yesu.

Yohane 17:12

TempoKu mani hihimbela hai ihira, Iko au mokampaihe hai kuasana hangaMu au NuweimoNa. Kukampaihe datihe ara au matanta. Batena pea hadua au matanta, iami au ina molambi rugi bona tepabukei apa au teuki i lalu Sura Malelaha.

Markus 13:7

Ane mohadikau pombeala, ba bambari pombeala, inee nipowulunga, lawi ope-ope iti hangangaa mewali, agaiana bara mani hawe kahopoa dunia.

Matiu 16:23

Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”