Matiu 18:20 - Sura Malelaha

²⁰ Lawi iumba tauna teruhu anti kaIkona, nauri rodua ba talu peahe, Iko araNa hihimbela hai ihira.”

Matiu 18:20 교차 참조

Pampetudungia 21:3

Hai kuhadi hambua wotu hangko i kadera kadatuana Pue Ala i suruga au mowotu masisimbuku, nauli, “Ide-ide paidaana Pue Ala ara hihimbela hai manusia. Pue Ala ina maida hihimbela hai ihira, hai ihira mewali taunaNa. Ia haduduaNa ina mamporangaihe hai mewali Ampunda.

Matiu 28:20

hai nipaturomohe bona mampeulaihe hinangkana au Kuhawaamokau. Hai bona niisa, ina Kuporangaikau duuna hawe i kahopoa dunia ide.”

Yohane 20:26

Liumi haminggu, mogulu mbulimohe topeguruna Yesu i lalu sou iti. I tempo iti, Tomas ara womi indo. Hai ope-ope baba ragilimi. Nauri nodo, unga pea Yesu ara meangka i olonda, hai mololita, Nauli, “Roa ngkatuwo hawe irikamu.”

Yohane 20:19

Kaindina i alo Minggu iti, topeguruna Yesu moguluhe i lalu sou hai ragili babana, lawi langahe i tadulakonda to Yahudi. Unga pea ara Yesu meangka i olonda, hai Natabehe, Nauli, “Roa ngkatuwo hawe irikamu.”

Pampetudungia 2:1

Nauliangaana Yesu, “Nuukimi lolita ide hawe i tadulako au mokadipura jumaa i wanua Epesu: Idemi lolitana Pue Yesu au mokingki betue au pitu oguna i taie koanaNa hai au molumao i olo pitu mbuana biti hulo bulawa.

Pilemo 1:2

Kipakatu wori i Apia, halalungki towawine au kipokaahi, hai i Arkipus, halalungki au hampopobago, hai i ope-ope jumaa au moguluhe i soumi.

1 Tesalonika 1:1

Sura ide hangko irikami: Paulu, Silas hai Timotiu. Kipakatuakau jumaa i Tesalonika au mohintuwumokau hai Pue Ala Umanta hai Pue Yesu Kerisitu! Mekakaengkai i Pue Ala bona Nawatikau hangko i kabulana laluNa hai Naweikau roa ngkatuwo.

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

Matiu 18:21

Roo indo, Peturu mohungkuki Yesu hai mekune Iria, nauli, “Pue, ane halalungku hampepepoinalai masala iriko, hangkia belana hangangaa kuampungi? Hawe pae pitu belana?”