Matiu 18:14 - Sura Malelaha

¹⁴ Nodo wori Umami au ara i suruga, bara Naunde ane ara hadua nodo anangkoi ide au puha.”

Matiu 18:14 교차 참조

Yohane 17:12

TempoKu mani hihimbela hai ihira, Iko au mokampaihe hai kuasana hangaMu au NuweimoNa. Kukampaihe datihe ara au matanta. Batena pea hadua au matanta, iami au ina molambi rugi bona tepabukei apa au teuki i lalu Sura Malelaha.

Yohane 21:15

Karoonda maande, Yesu mololita i Simo Peturu, nauli, “Simo anana Yona, ba nupokaahiNa meliu hangko i pepokaahinda rangamu iti Iriko?” Nauli Peturu, “Io, Pue. Nuisato kakupokaahiMu.” Nauli Yesu, “Ane nodo, nukadipurahe dimbaKu.”

Ibarani 12:13

Hangangaa nipakaroho peulami i Pue bona ane ara mani i olomi au bata-bata lalunda, barahe ina manawo, agaiana kamaroho-rohoari pepoinalainda.

2 Timotiu 2:10

Ido hai kubuku mohalea ope-ope kapari ide bona tauna au napileimohe Pue Ala ina mampehadingi hai mampoinalai Ngkora Marasa iti duunda molambi katehorema hai katuwo meawa au bara mokahopoa anti pohintuwunda hai Kerisitu Yesu.

Lukasi 12:32

“Ikamu au meula Iriko, ineekau langa, nauri barakau bosa. Lawi hangko i kabulana laluna Pue Ala Umami, mopileikau molambi katuwo maroa i lalu poparentaNa.

Matiu 6:32

Ope-ope iti rahaoki liliu tauna au bara moisa Pue Ala. Agaiana ineekau langa, lawi ope-ope au niparaluu, naisa haha Umami au i suruga.

Matiu 6:9

Mewali, mekakaemokau node: Umangki au ara indora i suruga, Kipomahile hangaMu au malelaha.

Matiu 5:16

Nodo wori pewangka au ara i lalumi, inee niwuni. Nipakaroa babehiami bona ope-ope tauna ina moita babehiami iti, pane motoiahe Umami au ara i suruga.”

Matiu 18:13

Hai ane nalambi hule, rumihi kamatanana mampokatana dimbana au hambaa iti pane dimbana au hahio pulona hai hahio au barahe matanta.

Matiu 18:15

“Ane ara halalumu hampepepoinalai au masala irio, lao nupombelambia, hai nuuliangaa salana. Hangangaa nubabehi iti bona dati ara au moisa, batena pea ikamu rodua. Ane napoinalai lolitamu, maroa hule pohintuwumi.