Matiu 17:20 - Sura Malelaha

²⁰ Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Matiu 17:20 교차 참조

Lukasi 17:6

Nahanai Yesu, “Ane arami pepoinalaimi nauri kokoi pea nodo lihu hahawi, peisakau mouliangaa kau mahile ide: ‘Mawukamoko hangko inde, hai melimbako i tahi!’ hai batena ina mewali moula hawami.”

Markus 11:23

Tou mpuu au Kuuliangaakau: ane rapana niuliangaa bulu iti: ‘Teangkamoko, manawoko i lalu tahi!’ batena ina mewali asala bara bata-bata lalumi hai nipoinalai mpuu pewalina apa au niuli iti.

Lukasi 18:27

Nahanai Yesu, “Ane manusia, bara rabuku. Agaiana ane i Pue Ala, ope-ope peisa mewali, lawi bara ara au bara Nabuku.”

Lukasi 1:37

Lawi ane Pue Ala, bara ara au bara Nabuku Nababehi.”

Matiu 21:21

Nahanai Yesu, “Tou mpuu au Kuuliangaakau, ane nipoinalai hai bara bata-bata lalumi, peisa wori nibabehi nodo au Kubabehi i kau iti. Mogalori bulu olou, peisa nipohawaa, niuli: ‘Teangkamoko, pengkanawo i lalu tahi!’ hai batena ina mewali.

Markus 9:23

Nauli Yesu, “Moapari hai nuuli ‘Ane peisa?’ Ope-ope peisa mewali i tauna au mepoinalai Iriko.”

1 Korintu 13:2

Ane rapana, molambina kapande mopahawe lolita hangko i Pue Ala hai molambina ope-ope kapande hangko i Pue Ala au bara raisa rangangku, hai ane maroho pepoinalaingku pane kubuku mopalimba bulu, agaiana bara maahi lalungku, bara mpuu ara bunduna katuwongku.

Matiu 13:31

Roo indo, Yesu mopahawe mbuli hampaka ngkora pandiri i tauna bosa, Nauli, “Poparentana Pue Ala nodo lihu hahawi i lalu ngkora pandiri ide: ara haogu lihu hahawi au naala hadua tauna, hai nahawuka i bondena.

Yohane 11:40

Nauli Yesu i Marta, “Bara pae Kuuliangaamoko inona, ane nupoinalaiNa, ina nuita mpuu kamahilena kuasana Pue Ala?”

Markus 4:31

Poparentana Pue Ala nodo lihu hahawi i lalu ngkora pandiri ide: Ara hadua tauna au mohawu lihu hahawi i bondena. Lihu hahawi iti manete ntepuu, kamanetena meliu hangko i ope-ope lihu au peisa rahawu.

Ibarani 3:19

Mewali, taisa: barahe peisa molambi pengkarooangaa hihimbela hai Pue Ala lawi barahe mepoinalai Iria.

Matiu 17:17

Nauli Yesu i tauna bosa hai i topeguruNa, “Noumbarikau dide? Moapari pane bara mani maroho pepoinalaimi? Nisapuaka mani peundeana Pue Ala! Hangkia maniri kamahaena ina hihimbelaNa hai ikamu? Hangkia maniri kamahaena hangangaa Kusabarai peewami? Anti mai anangkoi iti!”

1 Korintu 12:9

I tauna ntanina, Nawei pepoinalai au maroho. Hai i tohaduana, Inao Malelaha mowei kuasa mepakaoha.

Matiu 17:9

Pendaulunda hangko i wongko bulu iti, Nauliangaahe Yesu “Inee hampai niuli-uli i hema pea apa au niita inona hangko damani Iko, Ana Manusia rapatuwo hule hangko i kapate.”

Matiu 8:26

Nauliangaahe Yesu, “Moapari hai langakau? Ikamu ide makura gaga pepoinalaimi.” Mearomi Yesu, liliu mokambaroa himburu hai balumba i rano. Unga pea lene rano.

Matiu 17:19

Roo indo, i tempona Yesu haduduana, maimohe topeguruna mekune Iria, “Guru, moapari hai bara kibuku mampopeloho seta iti?”

Markus 11:22

Nahanai Yesu, Nauli, “Mepoinalaimokau i Pue Ala!

Matiu 14:29

Nahanai Yesu, “Maimoko!” Mendaulu mpuumi Peturu hangko i duanga, hai molumaomi i wongko owai monontohi Yesu.