Matiu 16:23 - Sura Malelaha

²³ Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”

Matiu 16:23 교차 참조

Pilipi 3:19

Tauna au nodo batenda molambi pehuku i lalu naraka. Mampenombaihe peundeana watanda haduduanda. Mampomahilehe babehianda au mepakaea. Mopaioruhe katuwonda i dunia ide.

Kolose 3:2

Lempona, hangangaa nipekiri katuwomi au mohintuwu hai Kerisitu i suruga. Inee peakau mampekiri katuwomi au i dunia ide.

Markus 8:33

Membalilimi Yesu mototoki topeguruNa, hai mampokarumpu Peturu, Nauliangaa, “Peloho Datu Tokadake! Pekirimu iti pekiri manusia, bara pekirina Pue Ala.”

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Yohane 6:70

Nauli Yesu, “Bara pae Ikoto au mopileikau au hampulo hai rodua ide? Agaiana hadua i olomi iami tokadake.”

Lukasi 4:8

Nahanai Yesu, “I lalu Sura Malelaha teuki node: ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Roma 14:13

Ido hai kuuliangaakau: ineeke mombesasalai. Agina maroa-roake dati ara babehianta au mokelo-kelo halalunta hampepepoinalai duuna madosa hai manawo.

Roma 14:21

Aginami, ineeke moande bau ba maenu au melangui ba mobabehike apa pea au mopakanawo halalunta hampepepoinalai.

Matiu 18:7

Hurewumi dunia ide lawi ngkaia au mepakanawo. Tou pepakanawo iti ara, agaiana hurewumohe tauna au mopaara pepakanawo iti.

Matiu 16:22

Agaiana Peturu modii Yesu hangko inditi hai nakambaroa, nauli, “Pue, ineeKo mololita nodo! Kuperapi i Pue Ala bona iti Napakarao hangko Irio.”