Matiu 15:27 - Sura Malelaha

²⁷ Mehana towawine iti, nauli, “Tou, Pue, agaiana dike moande wori wuta au manawo hangko i wongko meja paandeana ampuna.”

Matiu 15:27 교차 참조

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Lukasi 16:21

Anti kamarimina, napeinao woia moande wuta au ratende hangko i mejana topebuku iti, agaiana bara rapaliu. Tangana mohuda inditi, mairihe dike modilai mahaiana.

Roma 10:12

Ngkora iti batena kanahe ope-ope tauna, lawi bara ara posisalana to Yahudi hai tauna ntanina. Hadua pea Ampunda ope-ope tauna iami Pue Ala, hai mahile ahiNa i ope-ope tauna au meraroa Iria.

Roma 3:29

Hai bara pea to Yahudi au napokaahi Pue Ala, agaiana mampokaahi worihe tauna au bara to Yahudi.

Lukasi 18:13

Agaiana toperuru asele iti, meangka kakarao, hai bara bai mengoa i langi. Anti kanaisana kamadosana, mohapa-hapami pondana, nauli, ‘O Pue Ala! Nupokaahi wongkoia, lawi ide iko tauna au madosana!’ ”

Matiu 8:8

Nahanai tadulako surodado iti, “Barana hintoto Nusondaki. Kehapiri hantepo pea lolitaMu Nuuli, hangangaa maoha hawingku.

Matiu 5:45

Lawi ane maroa lalumi i iwalimi, babehiami ina nodo babehiana Umami au ara i suruga, hai ina tongawa kaikamuna anana Pue Ala. Lawi Pue Ala maroa laluna i ope-ope tauna. Ia mampopesupa alo i tauna au maroa hai i tauna au kadake. Napopendaulu uda i tauna au manoto hai i tauna au motengko lalunda.

Roma 3:4

Kehapiri ope-ope tauna modongko, batena tou lolitana Pue Ala. Takatuinao apa au nauli Datu Daudi hangkoia. Nauli node, “bona tongawa kamanotoMu i hinangka NgkoraMu hai menangiKo ane raparesaKo.”

Roma 3:19

Hangko i Aturana Musa, taisa kadana ara tauna au manoto. Hai taisa ope-ope i Aturana Musa, mokanaihe to Yahudi au rawei atura iti. Mewali, bara ara hadua tauna au peisa mampololita kamanotona. Ope-ope tauna masalamohe i peitana Pue Ala.

Matiu 15:26

Nahanai Yesu, Nauli, “Bara maroa moala paande anangkoi hai rawei dike.”

Matiu 15:28

Hangko inditi, nauli Yesu, “Mahile mpuu pepoinalaimu! Ina mewali nodo peundeamu.” Tempo iti peami, maoha mpuu anana.

Markus 7:28

Mehana towawine iti, nauli, “Tou Pue, agaiana dike au ara i woi meja paandea, moande worihe wuta hangko i paandena anangkoi.”