32 Mesawimohe i lalu duanga, liliu mengkaroo himburu.
Tingkara mpuuhe topeguruNa, hai molololitahe hadua hai hadua, rauli, “Hemari tauna ide! Mogalo himburu hai balumba moula hawaNa!”
Kamohadinda wotuna Yesu, matanamohe hai rakakiomi mesawi i lalu duanganda. Pesawina Yesu i lalu duanga, unga peahe hawe i wiwi rano au ratunggai.
Roo indo, mesawimi Yesu i duanganda, liliu himburu kebuu iti mengkaroo. Rumihi mpuu katingkaranda hai wulihe.
Naonami Yesu taieNa mohintaki Peturu, Nauliangaa, “Makura mani pepoinalaimu! Moapa hai bata-bata mani lalumu?”
TopeguruNa au i lalu duanga iti menombahe Iria, rauli, “Tou mpuu, AnanaKo Pue Ala!”
