Matiu 14:28 - Sura Malelaha

²⁸ Nauli Peturu, “Ane Oioto diti Pue, Nukakio worina molumao i wongko owai.”

Matiu 14:28 교차 참조

Yohane 6:68

Mehana Simo Peturu, nauli, “Ane kipalehiKo Pue, i hemamongkai lao? Oio pea au mohowara lolita au mopaara katuwo maroa hawe i hae-haena.

Roma 12:3

Anti kabulana laluna Pue Ala, Nawatimona mewali suroNa, ido hai kuweikau lolita ide: ineeke mampemahile. Ineekau mampekiri apa au bara hintoto nipekiri, agaiana nipekiri pea apa au hintoto moula apa au Nakiraiaamoke Pue Ala hadua-hadua, moula hokana pepoinalainta.

Matiu 19:27

Hangko inditi, nauli Peturu i Yesu, “Noumbami ikami? Kipalehimi hinangkana bona kiulaKo. Apa au ina kihumba?”

Markus 14:31

Agaiana hambela mani napakaroho Peturu lolitana, nauli, “Kehapirina mate hihimbela hai Oio, bara mpuu ina kusapuaka kakuisaMu!” Nodo wori pololitanda topeguruNa au ntanina.

Matiu 14:27

Agaiana Nakambaroahe Yesu, Nauli, “Pakaroho lalumi! Ikoto dide! Ineekau langa.”

Matiu 14:29

Nahanai Yesu, “Maimoko!” Mendaulu mpuumi Peturu hangko i duanga, hai molumaomi i wongko owai monontohi Yesu.

Yakobu 1:6

Agaiana ane merapike i Pue Ala, hangangaa mepoinalai mpuuke. Bara peisa bata-bata lalunta. Lawi hadua tauna au bata-bata laluna, peisa rapandiri nodo balumba au nawui himburu node hou node mai.