Matiu 13:8 - Sura Malelaha

⁸ Ara wori tinuda au manawo i tampo au marudu. Tinuda iti mowua, ara au hangatu belana hangko i tinudana, ara au ini pulona belana, hai ara au talu pulona belana.”

Matiu 13:8 교차 참조

Lukasi 8:15

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

Matiu 13:23

Tinuda au manawo i tampo au marudu lempona, tauna au mampehadingi hai mopailalu Ngkorana Pue Ala. I tauna iti, Ngkorana Pue Ala mowua. Ara au mowua hangatu belana hangko i tinudana, ara au mowua ini pulona belana hangko i tinudana, hai ara au mowua talu pulona belana hangko i tinudana.”

Yohane 15:8

Ane rumihi powuami, UmaNgku rapomahile. Ane nodo nibabehi, topeguruNgku mpuumokau.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Roma 7:18

Lawi kuisa, bara ara roangku, ide iko manusia au madosana. Kuunde mpuu mobabehi babehia au maroa, agaiana bara kubuku mobabehi.

Matiu 13:7

Ara wori tinuda au manawo i lalu dui. Dui mobalungkuhi tinuda iti, alana mate.

Markus 4:8

Ara wori tinuda au manawo i tampo au marudu. Tinuda iti tuwo maroa hai kamahile-hilea, alana mowua. Ara au talu pulona belana hangko i tinudana, ara au ini pulona belana, ara wori au hangatu belana hangko i tinudana.”

Markus 4:20

Ara wori tauna au rapandiri nodo tampo au marudu. Kamohadinda Ngkorana Pue Ala, liliu radoko. Rapailalu ntepuu hai rapopobundu, alana Ngkora iti mowua i lalu katuwonda. Ara au mowua talu pulona belana hangko i tinudana, ara wori au ini pulona belana, ara wori au hangatu belana hangko i tinudana.”

Lukasi 8:8

Ara wori tinuda au manawo i tampo au marudu. Tinuda iti tuwo maroa alana mowua hangatu belana kangkaiana.” Roo Yesu mopahawe ngkora pandiri iti, mololita Nauli, “Hema au motalinga, napehadingi maroa!”