Matiu 13:57 - Sura Malelaha

⁵⁷ Ido hai lohehe mepoinalai i Yesu. Hangko inditi, nauliangaahe Yesu, “Hadua nabi ina rabila iumba kalaoana. Agaiana i boeana haduduana hai i souna, bara rabila.”

Matiu 13:57 교차 참조

Yohane 4:44

Naulimi Yesu hangkoia, “Hadua nabi bara rabila i tampona haduduana.”

Matiu 11:6

Morasihe tauna au bara bata-bata lalunda Iriko.”

Lukasi 4:24

Napaliliu Yesu lolitaNa, Nauli, “Tou mpuu au Kuuliangaakau, bara ara hadua nabi au rabila i boeana haduduana.

Yohane 6:61

Agaiana naisari Yesu pohume-humenda. Ido hai Nauliangaahe, “Inee mpuu pae humpuri inaomi mohadi paturoNgku inona.

Yohane 6:42

Mololitamohe, hadua hai hadua, rauli, “Bara pae Yesu iti, anana pea Yusupu? InaNa hai umaNa taisahe. Moapari hai Nauli kahangko i surugaNa mai?”

Lukasi 7:23

Morasihe tauna au bara bata-bata lalunda Iriko.”

Markus 6:14

I tempo iti, Datu Herode Antipas mohadi apa au nababehi Yesu, lawi tebambarimi hangaNa iumba-umba pea. Ara au manguli, “Yesu iami Yohane Toperiu au tuwo hule hangko i kapate! Ido hai ara kuasaNa mobabehi tanda kuasa au metingkarai.”

Markus 6:3

Ia ide basi pea, anana Maria. HalaluNa iamohe: Yakobu, Yoses, Yuda hai Simo. HalaluNa towawine, ara worihe hihimbela hai ikita inde.” Ido hai barahe mepoinalai i Yesu.

Matiu 13:58

Idomi hai Yesu bara mobabehi ngkaia tanda kuasa inditi, lawi barahe mepoinalai Iria.

Markus 6:1

Roo indo, meangkami Yesu hihimbela hai topeguruNa hangko i boea Kapernaum, lao i boea karapakahileaNa.

Markus 6:4

Hangko inditi, Yesu mololita i tauna bosa iti, Nauli, “Hadua nabi rabila iumba pea kalaoana. Agaiana ane i boeana haduduana hai i souna, hai i olonda halaluna, bara rabila.”