Matiu 13:47 - Sura Malelaha

⁴⁷ “I alo pebotusi i kahopoa dunia, poparentana Pue Ala nodo ngkora pandiri ide: hambua dala au mahile ratende topebau i lalu rano. Ngkaia pakana bau mesua i lalu dala iti.

Matiu 13:47 교차 참조

Yohane 15:6

Hema au bara mohintuwu liliu hai Iko batenda ratende, nodo karatendena daa au rabohoki duuna mewali bangi. Daa iti, ragulu hai rahuwe.

Pampetudungia 3:1

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Sardis: Idemi lolitana Pue Yesu, au mokingki pitu Inao hangko i Pue Ala hai betue au pitu oguna. Nauli: Kuisa noumba babehiami. Rauli, maroa mpuu tuwomi, moleri pepoinalaimi mate!

Markus 1:17

Nauliangaahe Yesu, “Maimokau hai meulakau Iriko! Barapi ikane au nidala, agaiana manusiami.”

Galatia 2:4

nauri ara au mopari-pari bona ratile. Ihira iti iamohe tauna au mouli katoSaraninda agaiana dongkonda pea. Mesua ngkandii-ndiihe i olongki lawi tunggaianda bona ope-ope to Sarani hangangaa mengkoruhe i Aturana Musa. Agaiana ikita barake paraluu mengkoru i atura iti bona manotoke i peitana Pue Ala. Ikita tekabahamoke hangko i aturana Musa anti pohintuwuta hai Kerisitu Yesu.

2 Korintu 11:26

I lalu polumaongku, bosa belangku hurewu; narumpana owai meumbala. Molambina rugi i taienda topanangka. Rapopeahi-ahina to Yahudi. Rapopeahi-ahina tauna au barahe to Yahudi. Molambina rugi i lalu wanua hai i raoa wanua. Molambina rugi i wongko tahi. Molambina rugi hangko i tauna au mouli kaihirana halalungku hampepepoinalai, agaiana katouana bara!

Suro 20:30

Mainga-ingakau lawi ara worihe i olonta au ina mopawuli tauna au mepoinalai i Yesu bona raantihe i rara au mepakanawo. Nikatuinao, halalu, i lalu talu parena, barana mengkaroo mopaturokau hadua-hadua, maroa mabaa maroa kaindi, hai bosa wori belana tudo owai matangku moteriahikau.

Lukasi 5:10

Ara worihe rodua rangana Simo Peturu au mampotingkara. Hanganda iami Yakobu hai Yohane, ananahe Sebedeus au mobago sambelahe hai Simo Peturu. Nauli Yesu i Simo, “Ineeko langa. Mepongka ide-ide, barapoko modala ikane, agaiana manusiami au nudala.”

Matiu 4:19

Nauliangaahe Yesu, “Maimokau hai meulakau Iriko! Barapi ikane au nidala, agaiana manusiami.”

1 Korintu 11:19

Barato moapa posisisala peamodekau, bona tongawari pae ba hema au maroho peulana i Pue!

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Matiu 13:44

Nauli Yesu, “Ane hadua tauna mengkoru i Pue Ala au moparenta i poparentaNa, ia nodo tauna i lalu ngkora pandiri ide: ara hadua tauna au molambi bulawa au tetawu i lalu tampo, hai liliu natawu hule. Anti kamatanana laluna, laomi i souna mampobalu ope-ope anu-anuna, napopoholo tampo polambiana bulawa iti.

Matiu 13:46

Kanalambina haogu mutiara au masuli mpuu holona, liliu mampobalu ope-ope anu-anuna, napopoholo mutiara iti.”

Matiu 13:48

Bukemi, dalanda radii lao i lore, hai mohudamohe mampilei bau iti. Au maroa rapopesua i pamboliana, au bara maroa ratende.