Matiu 13:23 - Sura Malelaha

²³ Tinuda au manawo i tampo au marudu lempona, tauna au mampehadingi hai mopailalu Ngkorana Pue Ala. I tauna iti, Ngkorana Pue Ala mowua. Ara au mowua hangatu belana hangko i tinudana, ara au mowua ini pulona belana hangko i tinudana, hai ara au mowua talu pulona belana hangko i tinudana.”

Matiu 13:23 교차 참조

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Yohane 15:16

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

Matiu 12:33

Nauli mbuli Yesu i toParisi, “Ane kau au maroa, maroa wori wuana. Ane kau au bara maroa, bara wori maroa wuana. Kamaroana kau ba kadana, taisa i wuana.

Matiu 13:8

Ara wori tinuda au manawo i tampo au marudu. Tinuda iti mowua, ara au hangatu belana hangko i tinudana, ara au ini pulona belana, hai ara au talu pulona belana.”

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

Matiu 3:8

Ane tou-tou menosokau hangko i dosami, nibabehimide babehia au maroa.

Lukasi 13:9

Mole mowuato pae pare mai. Ane bara mowua, hangko kutiwiri.’ ”

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Ibarani 8:10

Mewali, idemi podandi au ina Kupaara hai to Isaraeli i alo au ina mai: HawaNgku ina Kuwoli i lalu pekirinda hai Kuuki i lalunda. Ina mewalina Pue Ala au rapenombai, hai ihira ina mewalihe taunaNgku.

Ibarani 4:2

Lawi ikita ide, rapahawea worimoke Ngkora Marasa, nodo to Yahudi hangkoia. Agaiana Ngkora Marasa iti bara moanti pewati irihira, lawi rahadi mbero pea, bara rapoinalai.

2 Tesalonika 2:10

Ope-ope akalana au kadake napake mopakanawo tauna au tepakanotohe rahuku. Ina marugihe, lawi barahe mau mampoinalai Ngkorana Pue au peisa mohoremahe hangko i huku dosanda.

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

Pilipi 4:17

Kuuli nodo, bara anti kamampeinaongku mbuli molambi kabula lalumi. Agaiana peundeaku bona hangko i kamaroana lalumi, katetetambaia pewatina Pue Ala irikamu.

2 Korintu 9:10

Pue Ala mopasilolonga tinuda i topohawu, hai hangko i tinuda iti, Ia mopaara paande. Nodo wori, Pue Ala ina motambai apa au ara irikamu bona tetambai kamaroana lalumi motulungi tauna ntanina.

Suro 17:11

Tauna i Berea iti maroa lalunda, bara nodo au i Tesalonika, lawi mampehadingihe lolitanda Paulu hai Silas hangko i katanana lalunda. Alo-alona moparesahe Sura Malelaha bona raisa ba manoto lolitana Paulu ba bara.

Suro 16:14

I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Yohane 8:47

Taunana Pue Ala raunde mampehadingi hai mampeulai lolitana Pue Ala. Agaiana ikamu, bara niunde mohadi hai mampeulai lolitaNgku, lawi barakau hangko i Pue Ala.”

Lukasi 8:15

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

Markus 10:15

Tou lolitaNgku ide: ane barakau mengkoru i Pue Ala nodo hadua anangkoi, barakau ina mewali taunaNa i lalu poparentaNa.”

Markus 4:20

Ara wori tauna au rapandiri nodo tampo au marudu. Kamohadinda Ngkorana Pue Ala, liliu radoko. Rapailalu ntepuu hai rapopobundu, alana Ngkora iti mowua i lalu katuwonda. Ara au mowua talu pulona belana hangko i tinudana, ara wori au ini pulona belana, ara wori au hangatu belana hangko i tinudana.”

Matiu 3:10

Ina hawe pehukuna Pue Ala! PehukuNa nodo owahe au masilolongami i patoa kau. Ope-ope kau au bara maroa wuana ina ratiwi hai ratende i lalu api.”

Ibarani 6:7

Tauna au mepoinalai i Pue Ala, nodohe tampo au paka naudahi hai au nakatuwoi tuda-tuda au mobundu i topobonde. Tampo iti ina nawati Pue Ala

Lukasi 8:8

Ara wori tinuda au manawo i tampo au marudu. Tinuda iti tuwo maroa alana mowua hangatu belana kangkaiana.” Roo Yesu mopahawe ngkora pandiri iti, mololita Nauli, “Hema au motalinga, napehadingi maroa!”