Matiu 13:12 - Sura Malelaha

¹² Tauna au mampoinalai Ngkorana Pue Ala, rapakanoto lalunda bona katetetambaia au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.

Matiu 13:12 교차 참조

Matiu 25:29

Lawi tauna au peisa rapoinalai hai apa au rawei, ina rawei mbuli bona tetambai. Agaiana tauna au bara peisa rapoinalai, nauri haodi pea au rawei, batena ina raala hule.

Lukasi 8:18

Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.

Lukasi 16:25

Nahanai Burahima: ‘Anangku, nukatuinao tuwomu i dunia: i tempo iti, molambimoko ope-ope au maroa, agaiana Lasaru molambi pea kapari. Ide-ide, tepalindomi Lasaru inde, agaiana oio hangangaa molambi kapari.

Matiu 21:43

Nauli mbuli Yesu, “BaraNa nidoko nodo Datumi, ido hai bara worikau Nadoko Pue Ala mewali taunaNa. Kirami i lalu poparentana Pue Ala, ina raala hangko irikamu hai raweihe tauna ntanina au mampeulai hawana Pue Ala.

Lukasi 16:2

Ido hai topebuku iti mokakio topobagona, nauliangaa, ‘Ara lolita au rapahaweana kana i pobagomu. Ba tou ba bara? Mewali, hangangaa nupasilolonga ope-ope suramu bona kuparesa. Roo naparesa, nauli topebuku iti, Oio barapoko ina mokadipura doingku hai anu-anungku.’

Lukasi 10:42

Katouana, ara hampaka au paraluu ntepuu; hangangaa mampehadingike Ngkorana Pue Ala. Iti au maroa ntepuu, hai itimi au napilei Maria. Hai apa au napilei Maria bara ina raala hangko iria.”

Lukasi 9:26

Hema au maea mopangaku peulana Iriko hai mampokaea paturoNgku, Iko wori ina maea mopangaku kaiana topeulaNgku i kahaweNgku hule hangko i suruga. I tempo iti, Iko, Ana Manusia, ina mendaulu mai hangko i suruga, hai ina meawaNa anti kuasaNgku hai kuasana UmaNgku hai peawanda malaeka au malelaha.

Markus 12:9

Roo indo, mekunemi Yesu, Nauli, “Mewali, apa au ina nababehi ampu bonde iti? Batena ina mai mopapate topokadipura bondena, hai bondena ina naweihe tauna ntanina.

Lukasi 12:48

Agaiana ane ara hadua hawi au bara woia moisa peundeana ampuna hai mobabehi au sala, bara rumihi karapapahaina. Lawi hema au rawei ngkaia, ngkaia wori au ina raperapi hangko iria. Hai ane ngkaia au rapoinalaia hadua tauna, ngkaia wori au ina rahaoki hangko iria.”

Yakobu 4:6

Agaiana melumbu petulungina Pue Ala au Naweike hangko i kabulana laluNa pane kamahinana lalunta. Ido hai ara au teuki i lalu Sura Malelaha node: “Pue Ala moewahe tauna au mampemahile, agaiana tauna au mengkaiwoi, Natulungi anti kabulana laluNa.”