Matiu 12:45 - Sura Malelaha

⁴⁵ Ido hai laomi mokakio pitu hangka setana au meliu kakadakenda hangko iria. Lao mpuumohe mesua i tauna au napalehi hangkoia, hai maidamohe inditi. Kahopoana, tetambaimi kakadakena tauna iti hangko i nguru-nguruna. Nodomi pewalina i tauna au kadake i tempo ide.”

Matiu 12:45 교차 참조

Lukasi 11:26

Ido hai laomi mokakio pitu hangka setana au meliu kakadakenda hangko iria. Lao mpuumohe mesua i tauna au napalehimi hangkoia, hai maidamohe inditi. Kahopoana, tetambaimi kameahi-ahina tauna iti hangko i nguru-nguruna.”

Markus 5:9

Yesu mekune iria, Nauli, “Hema hangamu?” Nahanai, “Hangangku Legion, lawi bosangkai.”

Markus 16:9

[Pearona Yesu hangko i kapate madondo-dondo i alo Minggu, nguru-nguruna Ia mopatongawa wataNa i Maria Magdalena. Maria iti, au napakaoha Yesu hangkoia i kanapesuangina pitu seta.

Ibarani 10:39

Agaiana ikita ide, halalu, barake tauna au mousuli hangko i pepoinalainta, hai au ina rahuku. Ikita ide, tauna au mepoinalai hai au molambi katuwo maroa.

Matiu 23:24

Ikamu nodo tauna au moingihi dale hangko i owai au nienu, agaiana hambaa onta niame pea. Ikamu nodo tobilo au mampeinao monini rangana.

Matiu 12:24

Karahadina toParisi lolitanda, rauli, “KuasaNa iti hangko i Beelsebul, datunda ope-ope seta. Ido hai peisa mampopeloho seta.”

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.

Matiu 23:15

Marugikau, guru agama hai toParisi! Maroa i raoa peakau! Madota mpuukau mopaturo rangami bona mampeulaihe paturomi. Niagikato pae moweta tahi hai molumao karao bona ara pea hadua tauna au mewali topegurumi. Hai ane arami topegurumi, nipaturohe bona mampeulaihe dongkomi, alana rumihiri kakadakena babehianda pane ikamu, hai meliu kahintotonda rahuku i naraka pane ikamu.

Matiu 12:44

ido hai nauli: ‘Agina mesule peana lao i paidaa au kupalehi hangkoia.’ Mesule mpuumi lao i tauna au napalehi hangkoia, naita bara ara au mampaidai. Tauna iti nodo mpuu sou boa, au tekawohi malelaha hai tekadipura maroa.

Matiu 17:21

[Agaiana seta au kadake iti, peisa pea rapopeloho ane mekakaeke hai mopuasake.]”