Matiu 11:8 - Sura Malelaha

⁸ Mewali, apari au nipeinao lao nipeita? Ba mampeinaokau mampeita tauna au makara hampina? Bara wori, lawi tauna au makara hampinda maida peahe i souna datu.

Matiu 11:8 교차 참조

Matiu 3:4

Hampina Yohane rababehi hangko i wulu onta. Pampouna hangko i koli. Paandena kakomba hai tinaha.

Pampetudungia 11:3

I tempo iti, ina Kutudu rodua sabiNgku lao mopahawe NgkoraKu. SabiNgku au rodua iti mehampihe waru ngkasusa, hai mobambarihe NgkoraKu i lalu hasabu rongatu hai ini pulona alona.”

2 Korintu 11:27

Mobago mantimina i sukana pebukuangku. Bosa belana barana leta, marimina hai mangkadouna. Bosa belana bara ara paandeku, makulina lawi bara handa hampiku.

1 Korintu 4:11

Duuna ide-ide, bara handa paandeki, bara handa paenungki, bara handa hampiki. Rapopeahi-ahi liliungkai. Bara ara paidaangki au maroa.

Matiu 11:7

I pesulenda tuduana Yohane Toperiu, mololitami Yesu i tauna bosa kana i Yohane, Nauli, “Apa tunggaiami lao i Yohane i pada wungi hangkoia? Ba mampeinao peakau moita tala au nawui himburu node hou node mai? Bara!

Matiu 11:9

Mewali, apari au nipeinao lao nipeita? Ba mampeinaokau mampeita nabi? Ane nodo, tou. Agaiana Kuuliangaakau meliu kamahilena tuwona Yohane hangko i nabi au ntanina.

Lukasi 7:25

Mewali, apari au nipeinao lao nipeita? Ba mampeinaokau mampeita tauna au makara hampina? Bara wori, lawi tauna au makara hampinda hai au pebuku tuwonda maida peahe i souna datu.