Matiu 11:5 - Sura Malelaha

⁵ au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Matiu 11:5 교차 참조

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Yakobu 2:5

Halalungku au kupokaahi! Nipehadingi maroa: tauna au meahi-ahi tuwonda i dunia ide napileihe Pue Ala bona mewalihe pebuku i pepoinalainda. Ina molambi sosoranda i lalu poparentaNa moula dandina Pue Ala i tauna au maahi Iria.

Matiu 21:14

Mewali hawemohe tauna au bilo hai au mokakuda mai i Yesu, i Souna Pue Ala, hai napakaohahe Yesu.

Yohane 10:38

Agaiana ane mobabehiNa bago au hangko i UmaNgku, hangangaa nipoinalaiNa. Kehapiri baraNa nipoinalai, bagoNgku hangangaa nipoinalai. Ane nipoinalaimi pobagoNgku, ina niisa mpuu i lalumi: mohintuwuNa hai UmaNgku, hai UmaNgku mohintuwu hai Iko.”

Yohane 10:25

Nauli Yesu, “Roomokau Kuuliangaa, agaiana bara nipoinalai. Tanda au Kubabehi hai kuasa au hangko UmaNgku, itimi au mopakanoto kahemaNgku.

Yohane 5:36

Agaiana Iko, ara hampaka au mopakanoto kahemaNgku, hai iti meliu hangko i posabina Yohane. Ane niita apa au Kubabehi, itimi au mopakanoto kahemaNgku. Apa au Kupobago ide-ide, iami au nahawaaNa UmaNgku bona Kupobago hawe roo. Bago iti mewali tanda au mopakanoto kaIkona au natudu UmaNgku mai i dunia ide.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 2:23

Tangana Yesu i Yerusale moula Alo Posusa Pasa, bosa tauna mepoinalai Iria, lawi moitahe tanda-tanda kuasa au Nababehi.

Markus 9:25

Kanaitana Yesu bosa tauna melangka mai moteruhu, Ia mokambaroa tokadake iti, Nauli, “Ee tokadake au mepabongo hai mepantuli! Peloho hangko i anangkoi iti, hai ineemoko mesua hule.”

Markus 7:37

Tingkara mpuuhe tauna bosa, rauli, “Hinangka au Nababehi, maroa haha. Tauna au bongo Napakaoha! Tauna au bara peisa mololita, mololitamohe!”

Matiu 10:8

Nipakaoha tauna au mahai, nipatuwo tauna au mate, nipakaoha tauna au kehaki tangga, nipopeloho seta au mampesuangi tauna. Ope-ope pewati nawei mberokau Pue Ala. Mewali, hangangaa niwei mbero worihe rangami pewati iti.

Matiu 9:30

Unga peahe meita. Roo indo, nakontohe Yesu, Nauli, “Inee nipopololita i hema pea apa au Kubabehi irikamu ide.”

Matiu 5:3

“Morasihe tauna au bara rasauru hai meharunga peahe i Pue Ala, lawi ihirami au mewali taunana Pue Ala i lalu poparentaNa.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

Matiu 11:4

Kanahadina Yesu pekunenda, Nauliangaahe node, “Mesulemokau, hai nipetumbuia Yohane apa au nihadi hai au niita:

Matiu 12:13

Roo indo, Yesu mouliangaa tauna au mate taiena, “Ona taiemu!” Naona mpuumi taiena, liliu maoha, hai maroho hule nodo taiena au hambali.

Yohane 9:7

Roo indo, Nauliangaa, “Laomoko mewawalindo i Wuhu Siloam.” (“Siloam” iti, lempona ‘ratudu’.) Lao mpuumi mewawalindo, hai i pesulena, meitami.