Matiu 11:21 - Sura Malelaha

²¹ Nauli Yesu, “Hurewukau to Korasim hai to Betsaida! Ngkaiami tanda kuasa au Kubabehi i boeami, agaiana bara mpuukau menoso hangko i dosami. Ane rapana tanda kuasa iti Kubabehi i lalu wanua Tirus hai Sidon, kemahaemohe menoso hangko i dosanda, nauri barahe to Yahudi. Kemangalamohe waru ngkasusa rapohampi, hai watanda raawui, tanda katebalikinami lalunda.

Matiu 11:21 교차 참조

Suro 12:20

Hambela tempo rumpumi Herode i to Tirus hai to Sidon. Mogombomohe to Tirus hai i to Sidon iti, hai laohe hihimbela i Herode. Nguru-nguruna moore-orehe Blastus, topobago i souna Herode, bona ntanda irihira. Blastus mamporangaihe lao i datu Herode bona modamehe. Iti rababehi lawi to Tirus hai to Sidon molambihe paandenda hangko i tampo au naparenta Herode.

Yohane 12:21

To Yunani iti laohe i Pilipu, rauli, “Mampeinao wongkamia mampohidupaa Yesu.” (Pilipu iti hangko i boea Betsaida i tampo Galilea.)

Lukasi 9:10

I pesulenda topeguruna Yesu au hampulo hai rodua, mopahawehe i Yesu ope-ope au rababehimi i boea-boeana. Roo indo, Yesu moanti topeguruNa lao i paidaa au boa hungku i boea Betsaida. Tunggaiana Yesu bona mopalehihe tauna bosa.

Markus 6:45

Roo indo, Yesu motuduhe topeguruNa moduanga moioru lao i boea Betsaida ntanda i orupena rano. Yesu motuduhe tauna bosa mesule,

Matiu 15:21

Hangko indo, laomi Yesu i tampo au hungku i wanua Tirus hai Sidon.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.

Yohane 1:44

Pilipu iti, hangko i boea Betsaida, boeanda Andaria hai Peturu.

Lukasi 6:17

Roo indo, mempanaulumi Yesu hihimbela hai topeguruNa. Mengkaroomohe i lempena, lawi inditi bosahe tauna au meula Iria mepegia. Inditi ara worihe bosa tauna au hangko i humalele tamponda to Yahudi, hangko i wanua Yerusale hai hangko i wanua Tirus hai Sidon au i wiwi ntahi.

Markus 8:22

Hangko inditi, hawemohe i boea Betsaida. Inditi, arahe tauna au moanti hadua tobilo i Yesu. Merapihe bona Natobo.

Markus 7:31

Hangko indo, Yesu mopalehi Tirus hai mopaliliu polumaoNa melempo i wanua Sidon, hai mesule hule lao i rano Galilea, hawe i tampo Dekapolis.

Markus 3:8

hangko i Yerusale, hangko i tampo Idumea, hangko i ntanda orupena owai Yarade, hai ara wori hangko i wanua Tirus hai Sidon. Bosa ntepuu tauna au mai i Yesu lawi mohadihe ope-ope au Nababehi.

Matiu 18:7

Hurewumi dunia ide lawi ngkaia au mepakanawo. Tou pepakanawo iti ara, agaiana hurewumohe tauna au mopaara pepakanawo iti.

Matiu 11:22

Mewali bona niisa, i alo pebotusi i kahopoa dunia, ina rumihi mpuu pehukuna Pue Ala irikamu pane pehukuNa i to Tirus hai to Sidon.

Suro 27:3

Kahalona, mehupengkai i wanua Sidon. Maroa mpuu laluna Yulius i Paulu, ido hai Paulu nawei katepaka mosondaki rangana i lalu wanua bona apa au naparaluu peisa rawei.

Lukasi 4:26

Nauri nodo, Pue Ala bara motudu Elia motulungihe tobemba iti. Agaiana Elia ratudu lao i boea Sarapat, motulungi hadua towawine au bemba i tampo Sidon au bara to Isaraeli.

Markus 7:24

Roo indo, meangkami Yesu hangko i tampo Galilea lao i tampo au hungku i wanua Tirus. KahaweNa indo, Ia liliu mesua i lalu sou lawi bara Naunde raisa tauna kahaweNa. Agaiana kahaweNa bara peisa rawuniangi.

Matiu 26:24

Iko Ana Manusia hangangaa mateNa nodo au tepakanotomi i lalu Sura Malelaha. Agaiana hurewumi tauna au mampobaluNa. Agina tauna iti, ineemi rapoanaka.”

Pampetudungia 6:12

Roo indo, kuita Ana Dimba iti mobungkahi pene au kaini. Unga pea kelinu rumihi, alo mewali maeta nodo buri, hai wula mewali malei nodo wahe.

Pampetudungia 11:3

I tempo iti, ina Kutudu rodua sabiNgku lao mopahawe NgkoraKu. SabiNgku au rodua iti mehampihe waru ngkasusa, hai mobambarihe NgkoraKu i lalu hasabu rongatu hai ini pulona alona.”