Matiu 10:20 - Sura Malelaha

²⁰ Mewali, apa au niuli i tempo iti, bara hangko i pekirimi. Lolitami iti ina mesuwu hangko i Inao Malelaha au Naweikau Umami au ara i suruga. Iami au ina mopakanotoakau apa au niuli i tempomi mololita.

Matiu 10:20 교차 참조

Suro 6:10

Agaiana tauna iti bara rabuku mohanai apa au nauli Setepanu, lawi Inaona Pue Ala mopakanoto laluna mololita.

Lukasi 21:15

Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli.

Lukasi 12:12

Lawi i tempo iti, Inao Malelaha ina mopagurukau apa au hangangaa nihowara.”

2 Peturu 1:21

Lawi Ngkorana Pue au rapahawe hangkoia bara moula peundeana manusia. Nabi-nabi iti mohowarahe Ngkorana Pue Ala anti peninina Inao Malelaha.

Suro 4:8

I tempo iti, Peturu nakuasai Inao Malelaha, hai mololitami, nauli, “Uma-uma, tadulakonda tauna bosa hai tadulako agama!

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

2 Korintu 13:3

Arakau au merapi bona kupopaitaakau tanda au mopatongawa kaikona surona Kerisitu. Nipegia peami! Ane hawena irikamu ina niita mpuu kuasana Kerisitu au napatongawa i olomi melempo iriko Paulu.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

Suro 28:25

Anti posisalana pelambianda, ido hai magaramohe hangko i poteruhuanda iti. Agaiana hangko damanihe mogaa-gaa, nauliangaahe Paulu node, “Hintoto mpuu apa au nauli Inao Malelaha au napahawe nabi Yesaya i toiorunta hangkoia, node:

Suro 13:9

Agaiana Saulu au rahanga wori Paulu, nakuasai Inao Malelaha, pane mototoki topobalimata iti,

Lukasi 11:13

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei Inao Malelaha i tauna au merapi Iria.”

Markus 12:36

Mole Daudi haduduana mopakanoto Datu Topehompo iami Pue au napenombai. Anti peninina Inao Malelaha Daudi mampololita kana i Datu Topehompo node: Pue mongkora i Ampuku au kupenombai, Nauli: ‘MohudamoKo ntanda i koanaNgku duuna Kupopengkoruhe ope-ope iwaliMu Irio.’

Matiu 6:32

Ope-ope iti rahaoki liliu tauna au bara moisa Pue Ala. Agaiana ineekau langa, lawi ope-ope au niparaluu, naisa haha Umami au i suruga.

1 Tesalonika 2:13

Ara mani hampaka au morua lalungki manguli ngkaia kamaroana i Pue Ala, iami Ngkorana Pue au nihadi hangko irikami, bara nidoko nodo lolita au hangko i manusia pea. Agaiana nidoko hai nipoinalai bambari iti, ami hangko i Pue Ala. Hai ide-ide, Ngkorana Pue Ala iti mokale liliu i lalumi, lawi mepoinalaimokau i Pue Yesu.