47 Hai ane pandirina matamu hambali moantiko madosa, nudungkiki peami. Agina hambali pea matamu hai mewaliko taunana Pue Ala i lalu poparentaNa, pane rombali matamu, agaiana kahopoana ratenderiko i lalu api naraka.
Hai ane pandirina matamu hambali au moantiko madosa, nudungkiki peami hai nutende. Aginami hambali pea matamu asala molambiko katuwo maroa hihimbela hai Pue Ala, pane rombali matamu, agaiana kahopoana ratenderiko i lalu api naraka.”
Maroa-roakau bona ineekau madosa. Ane pandirina taiemu hambali au moantiko madosa, nubohoki peami. Aginami hambali pea taiemu asala molambiko katuwo maroa hihimbela hai Pue Ala, pane rombali taiemu, agaiana kahopoana ratenderiko i lalu api naraka au rore liliu.
Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.
I tempo iti, matana mpuu lalumi. Agaiana ide-ide, iumbami kamatanami iti? Hangkoia, kuisa mpuu, halalu, ane ara ba apa pea au kuparaluu, barana nipokabohia. Mogalori matami haduduami, ane kepeisa nidungkiki hai niweina, bara ina nipokabohi.
“Ikamu au mampeinao meula Iriko, nipehadingi! Hema au melumbu pampokakaiana inana ba umana, towawinena ba anana, halaluna ba watana haduduana hangko i ahina Iriko, ia bara peisa mewali topeulaNgku.
