Markus 9:43 - Sura Malelaha

⁴³ Maroa-roakau bona ineekau madosa. Ane pandirina taiemu hambali au moantiko madosa, nubohoki peami. Aginami hambali pea taiemu asala molambiko katuwo maroa hihimbela hai Pue Ala, pane rombali taiemu, agaiana kahopoana ratenderiko i lalu api naraka au rore liliu.

Markus 9:43 교차 참조

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Ibarani 12:1

Halalu! Peisa tauli: ope-ope tauna au maroho pepoinalainda iti motolelikike hai mosabiki katuwonta. Ido hai kuhuweki lalunta bona tatende ope-ope au doko mohomboki raranta meula i Pue. Ikita ide nodo tauna au momberiri. Hangangaa tatende dosanta au montimihike, hai mantahake moula rara au napakanotoake Pue Ala.

Matiu 5:22

Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.

Galatia 5:24

Ane mewalimoke taunana Kerisitu Yesu, barapoke nakuasai peundeana lalunta au kadake lawi peundeana lalunta au kadake iti rapakumi i kau mombehape hihimbela hai Kerisitu.

Matiu 3:12

Ia peisa rapandiri nodo hadua tauna au motapihi pare bona tepatani pare au moihi hai tepatani wori pare au wara. Pare au moihi napopesua i lalu tambaru, hai pare au wara natende i api.”

Titu 2:12

Hai Napaturoke bona mokabahake babehianta au moula pea peundeana lalunta au kadake hai au bara hintoto hai peundeaNa. Napaturoke bona mewalike matopa, tapamaroa babehianta, hai mengkoruke Iria lianta mani tuwo i dunia ide.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

Roma 8:13

Ane mampeulai peake peundeana lalunta au kadake, ina mateke. Agaiana ane takabahami babehianta au kadake anti kuasana Inao Malelaha, ina molambike katuwo au bara mokahopoa.

Lukasi 14:13

Agaiana ane mopaarako susa, hangangaa nukakio tauna au meahi-ahi tuwonda, au bara masilolonga watanda, au palu hai au bilo.

1 Peturu 2:1

Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.

1 Korintu 9:27

Hai kulati watangku bona mantahana, hai morempeki worina peundeana lalungku. Bara kuunde ane roo kupahawe Ngkora Marasa i tauna ntanina, ikomi au bara molambi parasee.

Lukasi 14:21

Pesulena hawi iti, napahawemi i ampuna pehananda tauna au rakakio. Rumihi mpuu karumpuna ampu susa iti, ido hai mouliangaa hawina, ‘Laomoko hoholiga i rara mahile hai i penga-penga rara i boea. Nukakio mai ope-ope tauna au meahi-ahi tuwonda, au bara masilolonga watanda, au bilo, hai au palu.’ Lao mpuumi hawi iti moula hawana ampuna.

Matiu 17:27

Agaiana nauri nodo, agintami mobaiari bona dati koi inaonda irikita. Mewali, laomoko mopeka i rano. Nualami ikane au nguru-nguruna nupeka. Ina nuhumba doi i lalu ngangana sukana handa tapopobaiari aselenta rodua. Ala doi iti, hai nupopobaiari asele Souna Pue Ala.”

Markus 9:44

[Inditi, api rore liliu, hai uli bara peisa mate.]

Lukasi 3:17

Ia peisa rapandiri nodo hadua tauna au motapihi pare bona tepatani pare au moihi hai tepatani wori au wara. Pare au moihi napopesua i lalu tambaru, hai au wara natende i api.”