Markus 9:42 - Sura Malelaha

⁴² Agaiana hema au mopakanawo hadua anangkoi au nodo anangkoi ide alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i tahi.

Markus 9:42 교차 참조

Matiu 18:6

Agaiana hema au mopakanawo hadua anangkoi au nodo anangkoi ide alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i lalu tahi.

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

2 Korintu 6:3

Mobagomongkai maroa-roa dati ara tauna au kipakanawo, bona bara ara tauna au mopapakoi bagongki mobambari Ngkorana Pue Ala.

Roma 16:17

Halalu hampepepoinalai, kupopaingaakau bona hangangaa maroa-roakau i tauna au mopaara pogaa-gaa hai au rapeinao mopakanawokau i paturonda au montani hai paturo au rapaturoamokau. Nikaraohihe tauna au nodo!

Roma 14:13

Ido hai kuuliangaakau: ineeke mombesasalai. Agina maroa-roake dati ara babehianta au mokelo-kelo halalunta hampepepoinalai duuna madosa hai manawo.

2 Peturu 2:2

Agaiana kehapiri nodo, bosa tauna ina moula babehianda au merikai, alanda tauna ntanina ina mopapakoi paturona Yesu au tou.

Suro 9:4

Madungkami Saulu hai mohadi hambua wotu au manguliangaa, “Saulu, Saulu, moapa hai nupopeahi-ahiNa?”

1 Timotiu 5:14

Ido hai kuuli, tobemba au mangura manihe, agina motambi hulehe, bona moanahe, hai mokadipura maroahe tauna au i lalu sounda dati ara raranda iwalinta mokakabosaike.

Pilipi 1:10

Halalu, kuperapi nodo bona niisa rara mopilei apa au maroa ntepuu hai bona malelaha tuwomi duuna barapi ara kamasalami i alo kahawena hule Kerisitu.

Roma 15:21

Kupeinao mopabukei lolita i lalu Sura Malelaha au manguli: “Tauna au bara manihe rabambaria kana Iria, ina moisa mpuuhe kahemaNa. Tauna au bara manihe mohadi bambari kana Iria, ina mohadi hai moisa mpuuhe lempona bambari iti.”

Matiu 17:27

Agaiana nauri nodo, agintami mobaiari bona dati koi inaonda irikita. Mewali, laomoko mopeka i rano. Nualami ikane au nguru-nguruna nupeka. Ina nuhumba doi i lalu ngangana sukana handa tapopobaiari aselenta rodua. Ala doi iti, hai nupopobaiari asele Souna Pue Ala.”