Markus 9:41 - Sura Malelaha

⁴¹ Bona niisa: hema pea au motulungikau anti peulami i Kerisitu, ina molambi hurungina i alo au ina mai. Kehapiri owai ntoo pea naweikau anti peulami i Kerisitu, ia ina molambi hurungina hangko i babehiana au maroa.

Markus 9:41 교차 참조

Matiu 10:42

Hema au motulungi hadua topeulaNgku lawi ia mpuumi topeulaNgku, ina molambi hurungina i alo au ina mai. Kehapiri hadua tauna mowei pea owai ntoo i hadua topeulaNgku au koi tuwona, ia ina molambi hurungina hangko i babehiana au maroa.”

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’

2 Korintu 10:7

Nipekiri maroa-roa! Ane nipakanoto i lalumi kaikamuna topeulana Kerisitu, hangangaa nipangaku kaikamina wori topeulana Kerisitu.

1 Korintu 15:23

Agaiana ope-ope tauna ina rapatuwo hule moula tempo au tepatokami au nguru-nguruna iami Kerisitu. Roo indo i kahawe huleNa i dunia ide, ope-ope tauna au meula Iria ina rapatuwo hulehe.

Roma 14:15

Nodo wori, ane kuande apa au nauli rangangku rapalia duuna kupakapari laluna, madosa worina, lawi barana maahi i rangangku. Ido hai kuuli, hangangaa tapamaroa-roa babehianta bona inee takelo ranganta hai paande au taande alana tapakanawo pepoinalaina. Lawi ranganta iti, iami halalunta hampepepoinalai au nahorema worimi Kerisitu hangko i kamadosana.

Roma 8:9

Agaiana ikamu halalu, barapokau moula peundeana lalumi au kadake. Moulamokau peundeana Inao Malelaha, ane Inaona Pue Ala iti maida i lalumi. Ane tauna au bara ara Inaona Kerisitu i lalunda, barahe to Sarani.

Galatia 5:24

Ane mewalimoke taunana Kerisitu Yesu, barapoke nakuasai peundeana lalunta au kadake lawi peundeana lalunta au kadake iti rapakumi i kau mombehape hihimbela hai Kerisitu.

Galatia 3:29

Anti pohintuwuta hai Kerisitu, Naimbamoke pemuleana Burahima, hai batena mohumbake apa au nadandi Pue Ala, iria.

1 Korintu 3:23

Hai ikamu kiranamokau Kerisitu, hai Kerisitu kirana Pue Ala.

Markus 4:10

Roo indo, tangana Yesu haduduana, topeguruNa au hampulo hai rodua hai bahangkia tauna ntanina au meula Iria maihe mekune rauli, “Apari lempona ngkora pandiri inona?”