Markus 9:29 - Sura Malelaha

²⁹ Nahanaihe, “Tokadake au nodo, bara peisa rapopeloho hai kapande apa-apa, batena pea hai pekakae.”

Markus 9:29 교차 참조

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

2 Korintu 12:8

Talumi belana mekakaena i Pue, kuuli: “O Pue, kuperapi bona Nuingihia wongkoia haki au mopamalede watangku ide.”

2 Korintu 11:27

Mobago mantimina i sukana pebukuangku. Bosa belana barana leta, marimina hai mangkadouna. Bosa belana bara ara paandeku, makulina lawi bara handa hampiku.

Lukasi 11:26

Ido hai laomi mokakio pitu hangka setana au meliu kakadakenda hangko iria. Lao mpuumohe mesua i tauna au napalehimi hangkoia, hai maidamohe inditi. Kahopoana, tetambaimi kameahi-ahina tauna iti hangko i nguru-nguruna.”

1 Korintu 9:27

Hai kulati watangku bona mantahana, hai morempeki worina peundeana lalungku. Bara kuunde ane roo kupahawe Ngkora Marasa i tauna ntanina, ikomi au bara molambi parasee.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Matiu 12:45

Ido hai laomi mokakio pitu hangka setana au meliu kakadakenda hangko iria. Lao mpuumohe mesua i tauna au napalehi hangkoia, hai maidamohe inditi. Kahopoana, tetambaimi kakadakena tauna iti hangko i nguru-nguruna. Nodomi pewalina i tauna au kadake i tempo ide.”

2 Korintu 6:5

Rapapahaingkai, ratarunggungkai, radulungkai, hai mobago mantimingkai. Bosa belana barapongkai leta, bosa wori belana bara ara paandeki.

Matiu 17:21

[Agaiana seta au kadake iti, peisa pea rapopeloho ane mekakaeke hai mopuasake.]”

Markus 9:28

Roo indo, Yesu hai topeguruNa paduhe hangko inditi mesua i lalu sou. Pesuanda, mekunemohe topeguruNa iria, rauli, “Guru, moapari hai bara kibuku mampopeloho tokadake iti inona?”

Markus 9:30

Roo indo, Yesu hai topeguruNa meangka hangko inditi mopaliliu polumaonda moliu i tampo Galilea. Tunggaiana Yesu bona dati raisa tauna bosa kaiumbaNa,