Markus 9:28 - Sura Malelaha

²⁸ Roo indo, Yesu hai topeguruNa paduhe hangko inditi mesua i lalu sou. Pesuanda, mekunemohe topeguruNa iria, rauli, “Guru, moapari hai bara kibuku mampopeloho tokadake iti inona?”

Markus 9:28 교차 참조

Markus 7:17

Roo indo, Yesu mopalehi tauna bosa, hai mesua i lalu sou. Mekunehe topeguruNa Iria apa tunggaiana ngkora pandiri inona.

Markus 4:34

Bara ara au Napaturoahe ane bara hai ngkora pandiri. Agaiana ane Ia pea hihimbela hai topeguruNa, hangko Napakanotori lempona ope-ope.

Markus 4:10

Roo indo, tangana Yesu haduduana, topeguruNa au hampulo hai rodua hai bahangkia tauna ntanina au meula Iria maihe mekune rauli, “Apari lempona ngkora pandiri inona?”

Matiu 15:15

Nauli Peturu, “Guru, Nupakanotoangkai ngkora pandiri au Nupahawe inona.”

Matiu 13:36

Roo indo, Yesu mopalehi tauna bosa iti, hai mesua i lalu sou. Maimohe topeguruNa mohungkuki, rauli, “Guru, Nuuliangaangkai lempona ngkora pandiri dana au i olo pare.”

Matiu 13:10

Maimohe topeguruna Yesu Iria, hai mekunehe, rauli, “Guru, apa tunggaiaMu mopake ngkora pandiri ane mopaturoKo tauna bosa?”

Markus 2:1

Bara mahae hangko indo, Yesu mesule lao i boea Kapernaum. Tebambari kaaranami Yesu i sou.

Markus 3:20

Roo indo, mesulemi Yesu i sou. Agaiana bosa wori tauna hawe motoleliki, alana Yesu hai topeguruNa barapohe tepaka maande.

Markus 9:27

Agaiana Yesu mokingki taiena anangkoi iti hai natulungi mearo. Mearo mpuumi anangkoi iti.

Markus 9:29

Nahanaihe, “Tokadake au nodo, bara peisa rapopeloho hai kapande apa-apa, batena pea hai pekakae.”