Markus 9:25 - Sura Malelaha

²⁵ Kanaitana Yesu bosa tauna melangka mai moteruhu, Ia mokambaroa tokadake iti, Nauli, “Ee tokadake au mepabongo hai mepantuli! Peloho hangko i anangkoi iti, hai ineemoko mesua hule.”

Markus 9:25 교차 참조

Suro 16:18

I lalu bahangkia alona, nodo liliu pea pololitana, alana malutami Paulu mohadi. Hangko indo, membalilimi Paulu, hai mololita i anitu au mebalasua i towawine iti, nauli, “I lalu hangana Yesu Kerisitu, peloho hangko iria!” Meloho mpuumi anitu iti.

Lukasi 9:42

Tangana mani anangkoi iti molumao monontohi Yesu, madungka mbulimi hai morada-rada anti kanapesuangina seta. Agaiana Yesu mokambaroa tokadake iti, alana anangkoi iti maoha. Roo indo, nauli Yesu i umana, “Maimide ala ide anamu. Maohami.”

Markus 9:15

Karaitana tauna bosa Yesu hawe, tingkaramohe hai melangkahe lao mampohidupaa Yesu.

Matiu 17:18

Hangko inditi, Yesu mokambaroa seta au mopakasusa anangkoi iti. Moloho mpuumi seta iti. Pelohona seta iti, maoha mpuumi anangkoi iti.

Yudasi 1:9

Mogalori Mikael tadulakonda ope-ope malaeka, bara bai mopapakoi Datu Tokadake. I kapatena nabi Musa, mampombeheheihe watana Musa ba hema au ina mangala. Mikael bara bai mopapakoi Datu Tokadake hangko i kuasana haduduana, agaiana nauliangaa pea: “Pue haduduaNa ina mampokarumpuko!”

Lukasi 11:14

Hambela tempo, ara hadua tauna au raanti i Yesu. Tauna iti napesuangi seta, hai bara peisa mololita. Yesu mampopeloho seta iti hangko i watana, alana peisa mololita. Mewali tingkaramohe tauna bosa.

Lukasi 8:29

Mololita nodo lawi Yesu mowura kuasa tokadake iti hangko iria. (Tauna iti bosami belana naanti-anti kuasa tokadake, ido hai nauri rakampai, taiena hai bitina rataka rante batena pea nabotu-botu, hai melangka lao i paidaa au boa, naanti kuasa tokadake au mesua iria.)

Lukasi 4:41

Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 4:35

Agaiana nakambaroa Yesu, Nauli, “Mandiiko! Pelohomide hangko i tauna ide!” I lindonda tauna bosa, seta iti modungkami tauna au napesuangi hai padu, agaiana maroami tauna iti.

Matiu 12:22

Hangko indo, ara hadua tauna au raanti i Yesu. Tauna iti, bilo, bara peisa mololita, hai napesuangi seta. Napakaohami Yesu alana meita hai peisami mololita.

Markus 9:24

Nahanai umana anangkoi iti masisimbuku, nauli, “Pue, KupoinalaiKo! Tulungi wongkoia, lawi ide iko makura pepoinalaingku.”

Markus 9:26

Tokadake iti monganga-nganga, mampoporada-rada anangkoi iti, pane melohomi. I pelohona tokadake, anangkoi iti barapi mokale-kale, nodomi au mate, alanda bosa tauna manguli, “Matemi!”