Markus 9:18 - Sura Malelaha

¹⁸ Ane napesuangi tokadake, madungka, mowire ngangana, mokei-kei bagana, hai malentoro watana. Kuperapimi i topeguruMu bona mampopelohohe tokadake iti, agaiana bara rabuku.”

Markus 9:18 교차 참조

Markus 11:23

Tou mpuu au Kuuliangaakau: ane rapana niuliangaa bulu iti: ‘Teangkamoko, manawoko i lalu tahi!’ batena ina mewali asala bara bata-bata lalumi hai nipoinalai mpuu pewalina apa au niuli iti.

Markus 9:26

Tokadake iti monganga-nganga, mampoporada-rada anangkoi iti, pane melohomi. I pelohona tokadake, anangkoi iti barapi mokale-kale, nodomi au mate, alanda bosa tauna manguli, “Matemi!”

Markus 9:20

Raanti mpuumi anangkoi iti i Yesu. I poitana Yesu, tokadake iti mampoporada-rada watana anangkoi iti duuna madungka tepalumba, hai mowire ngangana.

Matiu 17:16

Kuantimi i topeguruMu, agaiana bara rabuku mopakaoha.”

Suro 7:54

Karahadina tadulako iti lolitana Setepanu, rumpu mpuuhe hai koi inaonda.

Yudasi 1:13

Ihira nodohe balumba tahi au melangaki, au moimborakahe eanda haduduanda. Nodohe betue au bara manoto polumaona, au monontohi kamakaindi au tepasilolongami irihira hawe i hae-haena.

Matiu 15:22

Inditi, ara hadua towawine to Kanaa, au bara to Yahudi. Towawine iti mai i Yesu, hai meraroa, nauli, “Pue, pemuleana Datu Daudi! Pokaahi wongkoia! Anangku towawine napesuangi tokadake, rumihi kamahaina.”

Matiu 8:12

Katouana, ketoYahudirihe au hintoto mewali taunana Pue Ala i lalu poparentaNa. Agaiana bosahe ina ratende i lalu kakaindiana au karao hangko i Pue Ala. Inditi, ina moteria hai mantodiha liliuhe.”

Markus 9:17

Hadua hangko i tauna bosa iti manguli, “Guru, ide wongkoia anangku kuanti bona Nupakaoha. Bara peisa mololita lawi napesuangi tokadake.

Markus 9:19

Nauli Yesu irihira, “Noumbarikau dide? Moapari pane bara mani maroho pepoinalaimi? Hangkia mani kamahaena ina hihimbelaNa hai ikamu? Hangkia mani kamahaena hangangaa Kusabarai peewami? Anti mai anangkoi iti!”