Markus 9:10 - Sura Malelaha

¹⁰ Hawana iti rapeulai mpuu, bara rapopololita i hema pea apa au mewali inona. Agaiana topeguruNa mombekune-kunemohe ba apa tunggaiana Yesu manguli kaina mearoNa hule hangko i kapate.

Markus 9:10 교차 참조

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Yohane 12:16

I tempo iti, bara mani raisa topeguruna apa lempona au mewali iti. Agaiana karapopeawanami Yesu i karapapatena, hangko rakatuinaori topeguruNa apa au teuki i lalu Sura Malelaha au mopahawe amimi apa au mewali i Yesu.

Markus 9:32

Agaiana tunggaiana lolitana Yesu bara raisa topeguruNa, hai bara worihe bai mekune Iria.

Matiu 16:22

Agaiana Peturu modii Yesu hangko inditi hai nakambaroa, nauli, “Pue, ineeKo mololita nodo! Kuperapi i Pue Ala bona iti Napakarao hangko Irio.”

Markus 9:9

Pendaulunda hangko i wongko bulu iti, nauliangaahe Yesu, “Inee hampai niuli-uli i hema pea apa au niita inona, hangko damani Iko, Ana Manusia, rapatuwo hule hangko i kapate.”

Markus 9:11

Ido hai mekunemohe i Yesu, rauli, “Wulingkai. Moapari hai rauli guru agama nabi Elia hangangaa hawe ioru, hangko haweri Datu Topehompo?”