Markus 9:1 - Sura Malelaha

¹ Nauli mbuli Yesu, “Nipehadingi maroa apa au Kuuliangaakau ide: arakau inde au bara ina mate hangko damani moita Pue Ala moparenta hai kuasaNa.”

Markus 9:1 교차 참조

Lukasi 9:27

Nipehadingi maroa apa au Kuuliangaakau ide: ara i olomi au bara mani mate hangko damani moita poparentana Pue Ala.”

Ibarani 2:9

Agaiana ide-ide tongawami kamakuasana Yesu. I katuwoNa au hampalai i dunia ide, kamahilena tuwoNa tepaiwoi hangko i malaeka. Lawi anti kabulana laluna Pue Ala irikita, Napakanoto bona Yesu rapapate mopahuru ope-ope tauna. Hai anti pohuhuNa wataNa rapapate, ide-ide Ia rapomahile hai raweimi pohudaa au meawa hai tebila.

Lukasi 22:30

bona maande hai maenu sambelake i hambua meja i lalu poparentaKu. Hai ina mohuda worikau i pohudaa au hampulo hai rombua moparentai to Isaraeli au hampulo hai rontina.”

Markus 13:30

Tou mpuu au Kuuliangaakau: ope-ope au Kuuli inona batena mewali hangko damani ope tauna au tuwo i tempo ide mate.

Matiu 25:31

“Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Lukasi 22:18

Bona niisa: mepongka ide-ide, barapi ina Kuenu anggoro duuna hawe poparentana Pue Ala i dunia.”

Markus 13:26

I tempo iti, ope-ope tauna ina moitaNa, Ana Manusia, mendaulu mai i lalu gawu, i lalu kamakuasa hai peawa.

Matiu 24:30

I tempo iti, ina ara tanda i langi au mampopaisa kahaweNgku, Iko Ana Manusia. Hai ope-ope tauna i dunia ina moteria, lawi raitaNa mai i wongko gawu. Ina makuasaNa hai meawa ntepuuNa.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Yohane 21:23

Hangko inditi, tebambarimi i topeulana Yesu, kadana ina mate topeguruNa iti. Agaiana au nauli Yesu bara nodo, noderi, “Ane Kuunde bona ia tuwo liliu duuNgku hawe i karombelana, bara paraluu nuisa!”