Markus 8:33 - Sura Malelaha

³³ Membalilimi Yesu mototoki topeguruNa, hai mampokarumpu Peturu, Nauliangaa, “Peloho Datu Tokadake! Pekirimu iti pekiri manusia, bara pekirina Pue Ala.”

Markus 8:33 교차 참조

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

1 Yohane 2:15

Ineekau mampomahile apa au ara i dunia. Hema au mampomahile anu-anu dunia ide, barahe mampokaahi Pue Ala Umanta.

Pilipi 3:19

Tauna au nodo batenda molambi pehuku i lalu naraka. Mampenombaihe peundeana watanda haduduanda. Mampomahilehe babehianda au mepakaea. Mopaioruhe katuwonda i dunia ide.

Pampetudungia 3:19

Ope-ope tauna au Kupokaahi, Kupaturo hai Kukambaroa bona moulahe paturoNgku. Ido hai Kuuli, nibaliki lalumi, hai menosokau!

1 Peturu 4:1

Mewali, Kerisitu molambimi kapari tangana mani tuwo i dunia ide. Ido hai ikamu wori hangangaa nipakaroho lalumi bona masilolongakau mohalea kapari nodo Ia. Lawi hema au mohaleami kapari au nodo, barapi ina mobabehi dosa.

1 Timotiu 5:20

Ane ara mpuu salana, nukambaroa i lindonda jumaa bona au ntanina langahe mampeulai babehiana.

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

Lukasi 22:61

hai membalilimi Pue Yesu mototoki Peturu. I tempo iti, nakatuinaomi Peturu lolitana Pue Yesu au mouliangaa, “Hangko damani motuturua manu, talumi belaNgku nusapuaka.”

Markus 3:34

Roo indo, Yesu mototokihe tauna au motoleliki, Nauli, “Ihira idemi, inaNgku hai halaluNgku.

Markus 3:5

Membalilimi Yesu mototokihe. Rumpumi hai masusa laluNa anti kamatuana lalunda, hai mouliangaami tauna au wara taiena, “Ona taiemu!” Naona mpuumi taiena hai liliu maoha.

Matiu 15:23

Agaiana Yesu bara mehana. Maihe topeguruNa mohungkuki, rauli, “Guru, Nutudumi padu towawine iti, lawi paka monganga-nganga meula irikita.”

Titu 1:13

Tou mpuu apa au nauli tauna iti! Ido hai to Kreta au arahe inditi hangangaa nuwei mpuuhe lolita bona mepoinalai liliuhe i paturo au tou.

Lukasi 9:55

Agaiana Yesu membalili irihira, hai Nakambaroahe.

Lukasi 4:8

Nahanai Yesu, “I lalu Sura Malelaha teuki node: ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Matiu 16:23

Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”