Markus 8:25 - Sura Malelaha

²⁵ Hangko inditi, Natobo mbuli Yesu matana, hai Natudu metotoki. Maoha mpuumi matana, ido hai maroami petotokina.

Markus 8:25 교차 참조

2 Peturu 3:18

Hangko i kabulana laluna Amputa Yesu Kerisitu hai kanoto lalu au Naweikau, hangangaa nipakaroho peulami Iria au mohoremake hangko i huku dosanta. Tatoiami Amputa mepongka ide-ide hawe i hae-haena. Amin. Hangko iriko, PETURU

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

Pilipi 1:6

Pue Ala au mobago i lalumi, hai maroa mpuu bago au Napepongka i lalu katuwomi. Hai kupoinalai Pue Ala ina mopaliliu bago iti duuna hopo apa au Natunggai i lalu katuwomi i alo kahawena hule Kerisitu Yesu.

Matiu 13:12

Tauna au mampoinalai Ngkorana Pue Ala, rapakanoto lalunda bona katetetambaia au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.

Markus 8:24

Tobilo iti metotoki, hai nauli, “Moitamona tauna molumao mogawu-gawu nodo kau.”

Markus 8:26

Roo indo, Yesu motudu tauna iti mesule i souna, Nauliangaa, “Mesulemoko i soumu, agaiana ineeko melempo i boea Betsaida.”

Suro 1:10

Tanganda mani mengoa mototoki pengkaoreNa, unga peahe moita rodua tobalilo au mehampi bula, meangka i olonda.

Suro 14:9

Topalu iti mohuda mampehadingi Paulu mololita. Paulu mototoki topalu iti, naisami kamepoinalaina, ido hai ia peisa rapakaoha.